ايدار شارىبايەۆتىڭ جەكپە-جەگى تىكەلەي ەفيردەن كورسەتىلەدى

استانا. قازاقپارات - ەلىمىزدىڭ كاسىپقوي بوكس جانكۇيەرلەرى ايدار شارىبايەۆتىڭ چەمپيوندىق جەكپە-جەگى تىكەلەي ەفيردەن كورسەتىلەدى، دەپ حابارلايدى قازاقپارات.

«Golden Boy»  پروموۋتەرلىك كومپانياسىنىڭ ۇيىمداستىرۋىمەن وتەتىن اتالمىش كاسىپقوي بوكس كەشىن الەم بويىنشا ESPN تەلەارناسى كورسەتەدى. ال قازاقستاندىق بوكسسۇيەر قاۋىم جەرلەسىمىزدىڭ جەكپە-جەگىن استانا ۋاقىتىمەن 13- ءساۋىردىڭ كۇنى تاڭەرتەڭ «Setanta قازاقستان» تەلەارناسى ارقىلى تىكەلەي ەفيردەن تاماشالاي الادى. كەشتىڭ باستى ايقاسىندا ەكىنشى جارتىلاي جەڭىل سالماق دارەجەسىنىڭ بوكسشىلارى مەكسيكالىق فرانسيسكو ۆارگاس پەن امەريكالىق رود سالكا شارشى الاڭعا شىعادى.

ايتا كەتەيىك، «Diamond ring» بوكسشىسى ءوزىنىڭ كەزەكتى كەزدەسۋىن ا ق ش- تىڭ ينديو قالاسىندا وتكىزەدى. 10 راۋندقا جوسپارلانعان بۇل جەكپە-جەكتە جەرلەسىمىز امەريكالىق ەندريۋ كانچيومەن ايقاسىپ، ەكىنشى جارتىلاي جەڭىل سالماق دارەجەسىندەگى WBA Inter- Continental چەمپيوندىق بەلبەۋىن ساراپقا سالىنادى.

بۇل ا ق ش- تىڭ مايامي قالاسىندا جەكە باپكەرى دەريك سانتوس-روساريومەن جاتتىعىپ جۇرگەن ايدار شارىبايەۆتىڭ سەگىزىنشى جەكپە-جەگى بولماق.

اۆتور: كۇنسۇلتان وتارباي