دانيار اقىشەۆ تەڭگە باعامىنا قاتىستى پىكىر ءبىلدىردى
«ەركىن ايىرباس باعامى جاعدايىندا شەتەلدىك ۆاليۋتالارعا شاققاندا ءبىزدىڭ تەڭگەنىڭ باعامى ىشكى جانە سىرتقى فاكتورلارعا بايلانىستى ەكەنى بەلگىلى. شىن مانىندە، سوڭعى بىرنەشە كۇن بۇرىن ورىن العان وقيعالارعا دەيىن بارلىق ماكروەكونوميكالىق پارامەترلەر تۇراقتى بولدى. ءبىرىنشى كەزەكتە مۇنايعا قاتىستى جوعارى باعا مەن ساۋداداعى سەرىكتەس ەلدەردەگى تۇراقتىلىقتى بايقادىق. وكىنىشكە قاراي، ا ق ش- تىڭ رەسەيگە قاتىستى قوسىمشا جاڭا سانكتسيالارىن ەنگىزۋگە قاتىستى وقيعا ر ف قور نارىعىندا قۇبىلمالىققا الىپ كەلدى. كەيىننەن بۇنىڭ سالدارى ۆاليۋتا نارىعىنا ىقپال ەتتى. رەسەي ءبىزدىڭ ساۋدا سەرىكتەسىمىز. ءبىز ە ا ە و- عا قاتىسۋشى ەلدەر بولىپ سانالامىز. ارينە، بۇل باعىتتاعى ۇردىستەر اسەر ەتپەي قويمايدى»، - دەدى اقىشەۆ ءماجىلىستىڭ جالپى وترىسىنان كەيىن جۋرناليستەرگە.
ونىڭ سوزىنە قاراعاندا، سوڭعى ەكى كۇندە رەسەيلىك رۋبل اقش دوللارىنا قاراعاندا نومينالدىق ماندە شامامەن 10 پايىزعا، ال تەڭگە بۇگىنگى تاڭعى سەسسيانى ەسكەرە وتىرىپ 3 پايىزعا السىرەدى.
«بۇل ءوز كەزەگىندە باعامنىڭ وزگەرۋى تەپە-تەڭ بولمايتىنىن اڭعارتىپ وتىر جانە ول مىندەتتى ەمەس. تەڭگە ەشقاشان رۋبلگە بايلانباعان. ءبىز ءبىر-بىرىمىزگە ىقپال ەتە الامىز، الايدا تىكەلەي بايلانىپ تۇرعان جوقپىز» ، - دەپ ءتۇسىندىر ۇلتتىق بانك باسشىسى.
