انا ءتىلىن بىلمەيتىن اكىمگە ايىپپۇل سالىنىپ، ۇستىنەن ءىس قوزعالدى

استانا. قازاقپارات - لاتۆيادا ءوزىنىڭ انا ءتىلىن بىلمەيتىن قالا اكىمى، دۋما ءتوراعاسى ريحارد ەيگيمس ەكىنشى مارتە انا تىلىنەن سىناق تاپسىرا الماي ءسۇرىندى.

ەندى وسى قىلىعى ءۇشىن ايىپپۇل تولەۋگە ءماجبۇر.

جەرگىلىكتى باسىلىمداردىڭ جازۋىنشا، زاڭ بويىنشا لاۋازىمدى ورىندا وتىرعان ازاماتتار وزدەرىنىڭ انا ءتىلىن بەلگىلى ءبىر دەڭگەيدە ءبىلۋى كەرەك. ءارى مۇنى ارنايى سىناقتا دالەلدەۋى ءتيىس. وتكەن جىلى اكىم سىناقتان ءسۇرىنىپ، التى ايدىڭ ىشىندە ءتىلدى تولىق مەڭگەرۋ تۋرالى ەسكەرتۋ العان بولاتىن. الايدا ول ۋادەسىندە تۇرماعان. ەندى ايىپپۇل تولەۋگە ءماجبۇر. ءارى ونىڭ ۇستىنەن ءىس قوزعالىپ، قىزمەتىنەن الىپ تاستاۋ ماسەلەسى قاراستىرىلۋدا.