10:36, 11 - ءساۋىر 2018 | GMT +5
سوندەرس: مەنى گولوۆكيننەن باسقاسى قىزىقتىرمايدى
استانا. قازاقپارات - WBO تۇجىرىمى بويىنشا ورتا سالماقتاعى الەم چەمپيونى بيللي دجو سوندەرس دوپينگ داۋىنا بايلانىستى توقتاتىلعان گولوۆكين مەن الۆارەس جەكپە-جەگىنە قاتىستى ءوز پىكىرىن ءبىلدىردى، دەپ حابارلايدى SPORTINFORM س ا ا
«الۆارەس ۇستالىپ قالدى. ول الاياق جانە سۋايت، وعان اقتالۋدىڭ دا ەش قاجەتى جوق. ەندى ونى ۇزاق ۋاقىت سپورتقا جولاتپاعان دۇرىس. گولوۆكينگە كەلەر بولساق، مەن ونىڭ كوپتەگەن قارسىلاستارىمەن كۇش سىناسىپ كورگەنمىن، سوندىقتان ول مەنىمەن جەكپە-جەككە شىعۋى مۇمكىن. مەن لاس-ۆەگاس جۇرتشىلىعى الدىندا مۇنداي اۋقىمدى كەزدەسۋ وتكىزۋ بالا كەزدەن كەلە جاتقان ارمانىم. گولوۆكيننەن باسقاسى مەنى قىزىقتىرمايدى. ەگەر كەزدەسەمىن دەسە مەن دايىن»، - دەيدى سوندەرس BoxingScene - گە بەرگەن سۇحباتىندا.
