08:21, 11 - ءساۋىر 2018 | GMT +5
قاراعاندىلىق جاس ونەرتاپقىش مينسكىدە وتەتىن حالىقارالىق كورمەگە ءوزىنىڭ جوباسىن ۇسىنباق
استانا. قازاقپارات - مينسكىدە (بەلارۋس رەسپۋبليكاسى) وتەتىن «ت م د ءۇشىن 100 يدەيا» حالىقارالىق كورمەسىندە قازاقستاندى قاراعاندىلىق جاس ونەرتاپقىش ۆياچەسلاۆ ليتۆينوۆ تانىستىراتىن بولادى، دەپ حابارلايدى قازاقپارات قاراعاندى وبلىسى اكىمدىگىنىڭ باسپا ءسوز قىزمەتىنە سىلتەمە جاساپ.
ول قاراعاندى مەملەكەتتىك مەديتسينالىق ۋنيۆەرسيتەتىنىڭ 6-كۋرسىندا وقيدى. ينتەرن-حيرۋرگ كقرمەدە تىرەك-قوزعالۋ اپپاراتى بۇزىلعان ادامدارعا ارنالعان ەكزوسكەلەتتى ۇسىنادى. ونىڭ جوباسى مۇمكىندىگى شەكتەۋلى جانداردى وڭالتۋعا، پورتاتيۆتى مودەلدى وندىرىسكە شىعارۋعا باعىتتالعان.
قازاقستان دەلەگاتسياسىنا سەرپىندى جانە يننوۆاتسيالىق يدەيا ۇسىنعان 10 ادام كىردى. ولار ق ر ءدىن ىستەرى جانە ازاماتتىق قوعامى مينيسترلىگى جانە «بولاشاق» قاۋىمداستىعى بىرلەسىپ ۇيىمداستىرعان «جاستار وتانعا» اتتى يننوۆاتسيالىق يدەيالار مەن جوبالار فەستيۆالىنىڭ قورىتىندىسى بويىنشا ىرىكتەلىپ الىندى.
