فلويد مەيۆەزەرگە قارۋلى شابۋىل جاسالدى
مالىمەت كوزىنىڭ حابارلاۋىنشا، اتىس دۇيسەنبى كۇنى تۇندە (جەرگىلىكتى ۋاقىت بويىنشا - اۆت.) اتلانتا قالاسىندا بولعان. قارۋلى شابۋىلدان بوكسشىنىڭ ءبىر وققاعارى جاراقات الدى. الايدا، تانىمال بوكسشى شابۋىلدان ەشقانداي زارداپ شەكپەگەن ەكەن.
جەرگىلىكتى پوليتسيا قىزمەتىنىڭ مالىىمدەۋىنشە، فلويد مەيۆەزەر تۇنگى ساعات 3-تەر شاماسىندا قالانىڭ باكحەد رايونىنداعى تۇنگى كلۋبتان شىعىپ، وققاعارلارىمەن بىرگە 3 كولىكپەن قوناق ۇيگە كەتىپ بارا جاتقان جولىندا بەلگىسىز بىرەۋلەر كولىككە وق جاۋدىرعان. الايدا، بوكسشىنىڭ قورعاۋشىلارى وقيعا ورىنىنان سىتىلىپ ۇلگەرىپ، اياعىنان جاراقات العان وققاعاردى اۋرۋحاناعا جەتكىزگەن.
پوليتسيا وقيعاعا بايلانىستى تەرگەۋ- تەكسەرۋ شارالارىن جۇرگىزىپ جاتىر، جانە بۇل الدىن- الا ويلاستىرعان قاستاندىق شابۋىلى دەگەن بولجام جاسالدى.
فوتو: edition.cnn.com
اۆتور: مۇحتار قاليموللا ۇلى
