قازاقپارات انادولۋ اگەنتتىگىمەن تاريحي كەلىسىمگە قول قويدى

ىستانبۇل. قازاقپارات - بۇگىن ىستانبۇلدا «قازاقپارات» ح ا ا مەن انادولۋ اگەنتتىگى اراسىندا ىنتىماقتاستىق تۋرالى مەموراندۋمعا قول قويىلدى، دەپ حابارلايدى حالىقارالىق اقپارات اگەنتتىگىنىڭ ءتىلشىسى.

مەموراندۋمعا «انادولۋ» اگەنتتىگى باس ديرەكتورىنىڭ ورىنباسارى مۋستافا وزكايا مەن «قازاقپارات» ح ا ا باس ديرەكتورىنىڭ ءبىرىنشى ورىنباسارى دانيار وتەشيەۆ قول قويدى.

قول قويۋ راسىمىنە قازاقستان رەسپۋبليكاسىنىڭ ىستانبۇلداعى باس كونسۋلدىعىنىڭ كەڭەسشىسى باۋىرجان ءابدىراحمانوۆ، ىستانبۇلداعى قازاق مادەني قورىنىڭ ديرەكتورى انارا بايجانوۆا، سونداي- اق تۇركيا باس اقپارات اگەنتتىگىنىڭ ديرەكسياسى قاتىستى.

كەزدەسۋ بارىسىندا دانيار وتەشيەۆ بيىل ەكى اگەنتتىكتىڭ 98 جىلدىعىن اتاپ وتەتىندىگىن تىلگە تيەك ەتتى.

«ءبىزدىڭ اقپارات اگەنتتىكتەرىمىزدىڭ 100 جىلدىعى قارساڭىندا بۇل مەموراندۋمنىڭ جاسالۋى - قازاقستان مەن تۇركيا اراسىنداعى قارىم- قاتىناستاردى دامىتۋدىڭ جاڭا كەزەڭى بولۋى ءتيىس»، - دەدى ول.

  ءوز كەزەگىندە، مۋستافا وزكايا بۇل كەلىسىمدى تاريحي قۇجات دەپ اتادى.

سالتاناتتى راسىمنەن كەيىن، «قازاقپارات» اگەنتتىگىنىڭ وكىلدەرى انادولۋ اگەنتتىگىنىڭ (Anadolu Agency)  جۇمىسىمەن تانىستى.

ايتا كەتەيىك، شارا تۇركياداعى قازاقستان رەسپۋبليكاسى ەلشىلىگىنىڭ قولداۋىمەن ۇيىمداستىرىلدى.