19:09, 10 - ءساۋىر 2018 | GMT +5
تالدىقورعان- قالباتاۋ- وسكەمەن تاسجولى جوندەلەدى
استانا. قازاقپارات - «تالدىقورعان- قالباتاۋ- وسكەمەن» ارالىعىنداعى جالپى ۇزىندىعى 763 شاقىرىمدى قۇرايتىن جولعا قايتا جاراقتاۋ جۇمىستارى جۇرگىزىلەدى. وعان 291 ميلليارد تەڭگە قاراستىرىلعان.
جولدى جوندەۋ جۇمىستارىنا بولىنگەن قارجىنىڭ 15 پايىزىن قازاقستان اۋدارسا، قالعان 85 پايىزىن قىتاي ەكسيم بانكىنىڭ نەسيەلىك قاراجاتى ەسەبىنەن قۇراماق. ال «قالباتاۋ- مايقاپشاعاي» ارالىعىنداعى 415 شاقىرىم جولدى جوندەۋگە 159 ميلليارد تەڭگە قاجەت ەكەن.
«نۇرلى جول» باعدارلاماسى اياسىندا قالباتاۋ- شار ارالىعىنداعى 36 شاقىرىم جول جوندەلەدى. وعان رەسپۋبليكالىق بيۋدجەتتەن 2,6 ميلليارد تەڭگە بولىنگەن. بىلتىر بۇل قاراجاتتىڭ 1,7 ميلليارد تەڭگەسى يگەرىلدى. اعىمداعى جىلى قاراشا ايىنان باستاپ «تالدىقورعان- قالباتاۋ- وسكەمەن» ارالىعىنداعى جولدى جوندەۋ جۇمىستارى باستالادى»، - دەيدى اۋدان اكىمى نۇرلان سىدىقوۆ.
https://kaz.altaynews.kz
