مۇعالىم جالاقىسى قانداي كومپونەنت ەسەبىنەن كوتەرىلەدى
جولداۋلاردى ىسكە اسىرۋ اياسىندا نەگىزگى باسىمدىقتار ادامي كاپيتالدى دامىتۋ مەن ەكونوميكالىق دامۋ بولىپ تابىلادى. ادامي كاپيتالدى دامىتۋ باعىتى بويىنشا جوبادا مىناداي ءىس- شارالار قامتىلعان. بىرىنشىدەن، سوماسى 61,8 ميلليارد تەڭگە شىعىستارمەن مۇعالىمدەردىڭ جالاقىسىن 30-دان 50 پايىزعا دەيىن كوتەرۋ قاراستىرىلادى»، - دەدى مينيستر.
ونىڭ ايتۋىنشا، جالاقىنى كوتەرۋ ءۇش كومپونەنتتى قۇرايدى.
«بىرىنشىدەن، جاڭارتىلعان مازمۇنداعى باعدارلامامەن وقىتاتىن بارلىق مۇعالىمدەردىڭ لاۋازىمدىق جالاقىسىنا 30 پايىز مولشەرىندە قوسىمشا اقى تولەنبەك. ەكىنشىدەن، اعىمداعى جىلدىڭ 1 - قاڭتارىنان باستاپ 1، 2، 5، 7 -سىنىپتاردىڭ مۇعالىمدەرى قوسىمشا اقى الاتىن بولادى. ۇشىنشىدەن، پەداگوگيكالىق شەبەرلىك ءۇشىن جالاقىسىنان 30-دان 50 پايىزعا دەيىن قوسىمشا اقى تولەنەدى»، - دەدى باقىت سۇلتانوۆ.
سونىمەن قاتار ءمينيستردىڭ سوزىنە قاراعاندا، زاماناۋي ءبىلىم بەرۋ ۇلگىسىن تاراتۋشى رەتىندە نازاربايەۆ ۋنيۆەرسيتەتىن ودان ءارى دامىتۋعا 31,7 ميلليارد تەڭگە باعىتتاۋ ۇسىنىلادى. بۇل قاراجات ۋنيۆەرسيتەتتىڭ ينستيتۋتسيونالدىق الەۋەتىن كۇشەيتۋگە جانە قوسىمشا وقۋشىلار كونتينگەنتىن قابىلداۋ ەسەبىنەن ونىڭ مەكتەپتەرىنىڭ تولىققاندى جۇمىس ىستەۋىن قامتاماسىز ەتۋگە مۇمكىندىك بەرەدى.
اۆتور: مارلان جيەمباي
