15:53, 10 - ءساۋىر 2018 | GMT +5
الماتىداعى «ۇلكەن الماتى» اينالما جولى پايدالانۋعا قاشان بەرىلەدى
استانا. قازاقپارات - ق ر ينۆەستيتسيالار جانە دامۋ ءمينيسترى جەڭىس قاسىمبەك ۇلكەن الماتى اينالما اۆتوموبيل جولىنىڭ (ءۇ ا ا ا ج) قۇرىلىسى قاشان اياقتالاتىنىن ايتتى، دەپ حابارلايدى «قازاقپارات» ح ا ا ءتىلشىسى.
«بۇگىنگى تاڭدا كونسورتسيۋم دايىندىق جۇمىستارىنا كىرىسىپ كەتتى. بيىل مامىر ايىندا قۇرىلىس- مونتاجداۋ جۇمىستارىن باستاۋ كوزدەلگەن. 2021 -جىلى قۇرىلىس اياقتالىپ، جولدى اقىلى نەگىزدە پايدالانۋ باستالادى»، - دەدى مينيستر بۇگىنگى ۇكىمەت وتىرىسىندا.
مينيستر ءوز بايانداماسىندا «السيم الاركو - ماكيول - س ك - كورەيان ەكسپرەسس ۆەي» كونسورتسيۋمىمەن قازاقستاندا ءبىرىنشى ءىرى كونسەسسيالىق جوباسىن ىسكە اسىرۋدى باستاۋ كەلىسىمشارتىنا وسى جىلدىڭ 7 -اقپانىندا قول قويىلعانىن ەسكە سالدى.
ايتا كەتسەك، جوبانىڭ جالپى قۇنى 512 ميلليارد تەڭگە بولىپ وتىر.
اۆتور: ايان بەكەن ۇلى
