بيىل «الماتى-قورعاس» اۆتوموبيل جولى اراسىندا وتكىزۋ پۋنكتى اشىلادى

استانا. قازاقپارات - «الماتى-قورعاس» اۆتوكولىك جولى اراسىنداعى «نۇر جولى» وتكىزۋ پۋنكتىنىڭ قۇرىلىسى بيىلعى ماۋسىمدا اياقتالاتىن بولدى، دەپ حابارلايدى «قازاقپارات» ح ا ا ءتىلشىسى.

جاڭا وتكىزۋ پۋنكتى تۋرالى ۇكىمەت وتىرىسىندا قر ينۆەستيتسيالار جانە دامۋ ءمينيستى جەڭىس قاسىمبەك ايتىپ بەردى. «الماتى-قورعاس» اۆتوكولىك جولى ۋچاسكەسىندە (باتىس ەۋروپا - باتىس قىتاي) «نۇر جولى» وتكىزۋ پۋنكتىن سالۋ جانە پايدالانۋ» مەملەكەتتىك-جەكەشەلىك ارىپتەستىك جوباسىنىڭ جالپى قۇنى 98,2 ميلليارد تەڭگە.

«2017-جىلدىڭ 26- جەلتوقسانىندا قارجى مينيسترلىگى مەن «Evrotranzit Terminal»  ج ش س اراسىندا «الماتى-قورعاس» اۆتوجولى ۋچاسكەسىندە وتكىزۋ پۋنكتىن سالۋ مەن پايدالانۋ جونىندەگى مەملەكەتتىك-جەكەشەلىك ارىپتەستىك شارتىنا قول قويىلدى. قۇرىلىس بيىل ەكىنىشى توقسانىندا اياقتالادى»، - دەدى مينيستر.

جەڭىس قاسىمبەكتىڭ ايتۋىنا قاراعاندا، «نۇر جولى» 2026-جىلعا دەيىن پايدالانىلماق. جاڭا وتكىزۋ پۋنكتى قازاقستان مەن قىتاي اراسىنداعى شەكارادا اۆتوكولىك وتكىزۋ قابىلەتىن تاۋلىگىنە 2500 گە دەيىن ۇلعايتۋدى قامتاماسىز ەتەدى.