ديماش ادىلەت ايەلىن الەمدەگى ەڭ باقىتتى جان ەتۋگە ۋادە بەردى

بۇل ورايدا ديماشتى ۇناتاتىن ارۋ قىزداردىڭ التىن سىرعا! سىمباتتى ءسۇربويداقتىڭ ۇيلەنگەنى جالعان بولىپ شىقتى، دەپ حابارلايدى Stan.kz اقپاراتتىق اگەنتتىگى.

ديماش ادىلەت ايەلىن الەمدەگى ەڭ باقىتتى جان ەتۋگە ۋادە بەردى

ديماش ادىلەت بار بولعانى دوسىنىڭ تويىندا كۇيەۋ- جولداستىڭ ءرولىن اتقارعان.

«كوپشىلىگىڭىز بايقاعانداي، الدىڭعى سۋرەتتە مەن كۇيەۋجىگىت ەمەس، جىگىت جولداستىڭ رولىندە ەدىم (پوست قانشا دەگەنمەن 1 -ءساۋىر كۇنى جازىلعان) . جالپى كوپتەگەن سەبەپتەر بويىنشا، مەن الداعى 5 جىل كولەمىندە ۇيلەنۋدى جوسپارلاپ وتىرعان جوقپىن. ءارى قالعان عۇمىرىمدى بىرگە وتكىزگىم كەلەتىن ارۋدى كەزدەستىرمەدىم. ءبىراق تاپقان كۇنى، ونى الەمدەگى ەڭ باقىتتى جان ەتۋ ءۇشىن بارىمدى سالامىن»، - دەپ جازدى ديماش.

بۇعان دەيىن، ديماشتى ۇيلەندى دەپ بولجاعان فاناتتاردىڭ مازاسى قاشقان ەدى.

ايتا كەتەيىك، ۆالەنتينا دۇرۇمبەتوۆا مەن ادىلەت قوجابەرگەنوۆتىڭ ۇلدارى ديماش 11 جاسىندا شۆەيتسارياعا كەتىپ، قازىرگە دەيىن سوندا تۇرىپ جاتىر. ول Instagram جەلىسىندە قىمبات كيىمدەردىڭ، ساعاتتىڭ جانە ءساندى كولىكتەردىڭ رولىندە وتىرعان سۋرەتتەرىن جۇكتەيدى. ءساندى ءتۇر- الپەتى - ونىڭ باستى ارتىقشىلىعى.

2016 -جىلى ديماش ادىلەت IQ تەستىن جوعارى ناتيجەمەن تاپسىرىپ، الەمدەگى ەڭ اقىلدى ادامداردىڭ قاتارىنا قوسىلدى. ول - قازاقستان تۋماسى، گارۆارد ۋنيۆەرسيتەتىنىڭ تۇلەگى. سونىمەن قوسا، دۇنيەدەگى IQ ەڭ جوعارى ادامداردان قۇرالعان حالىقارالىق Mensa International ۇيىمىنىڭ مۇشەسى.