الەمدە ءومىر ءسۇرۋ وتە سيرەك قۇبىلىس بولىپ شىقتى

بۇل تۋرالى Science Alert سايتى جازدى، دەپ حابارلايدى aq.kzB اقپارات اگەنتتىگى lenta.ru باسىلىمىنا سىلتەمە جاساپ.

عالىمدار كانار ارالدارىنداعى روكە- دە- لوس- مۋچاچوس وبسەرۆاتورياسىندا گەرشەل تەلەسكوبىنان الىنعان دەرەكتەردى سارالادى. ولار فوسفور اتومى شىعارعان ينفراقىزىل ءتۇستىڭ جانە كراباۆيد تۇمانىنداعى تەمىردىڭ مولشەرىن ەسەپتەدى. كەيىن قورىتىندىنى كاسسيوپەيا عالامجۇلدىزىنىڭ قالدىقتارىن زەرتتەۋ بارىسىندا الىنعان دەرەكتەرمەن سالىستىردى. سوندا كاسسيوپەياعا قاراعاندا تۇماندى جەردە فوسفور وتە از بولىپ شىقتى.

مامانداردىڭ ويىنشا، Cas A عالامجۇلدىزداردىڭ سيرەك كەزدەسەتىن ءتۇرى بولعاندىقتان سونداي ايىرماشىلىق بايقالادى. بۇل جاعدايدا شوعىرلانعان جۇلدىزدار جارىلعان كەزدە پايدا بولاتىن فوسفوردىڭ مولشەرى ايتارلىقتاي كوپ بولۋى مۇمكىن.

«سولايشا، ول بۇل ەلەمەنتتىڭ جەر پلانەتاسىنا ءتۇسۋ ىقتيمالدىعىن تومەندەتەدى. سونىمەن قاتار، فوسفور بيوپوليمەرلەردىڭ (د ن ق جانە ر ن ق) كومپونەنتى بولعاندىقتان، الەمدە ءتىرى اعزالاردىڭ پايدا بولۋى - وتە سيرەك كەزدەسەتىن قۇبىلىس»، - دەيدى عالىمدار.