قاراعاندى وبلىسىنىڭ اكىمى ايماقتاعى سۋ تاسقىنى جاعدايىن تىكۇشاقپەن باقىلادى - فوتو
اۆيامارشرۋت 580 شاقىرىمنان استام قاشىقتىقتى قۇراپ، ءتورت اۋداندى قامتىدى: بۇقار جىراۋ، قارقارالى، شەت جانە اباي. تۋس تاسقىنى قاۋپى جوعارى اۋماقتار باقىلانىپ، سامارقاند، شەرۋباي-نۇرا، ىنتىماق، جارتاس جانە اشىسۋ سۋ قويمالارىنىڭ، سونداي-اق نۇرا، شەرۋباي- نۇرا، اشىسۋ، ماتاق، جارلى وزەندەرىنىڭ ارنالارى تەكسەرىلدى.
ايماق باسشىسىمەن قوسا ۇشۋ بارىسىنا وبلىستىق ت ج د باستىعى ىبراحىم كۇلشىمبايەۆ، اۋدان اكىمدەرى، مەملەكەتتىك ورگان جەتەكشىلەرى قاتىستى. وبلىس اكىمى بيىلعى جىلى ەرىگەر قار سۋىنان ادامدار قانشالىقتى جاقسى قورعالعانىن ءوز كوزىمەن قاراپ شىعۋدى ۇيعارعان.
جىل سايىن ارناسىنان شىعاتىن وزەندەردىڭ جاعالارىندا قورعاۋ بوگەتتەرى سالعان جانە باسقا دا ساقتاندىرۋ شارالارى ۇيىمداستىرىلعان. ول ەلدى مەكەندەرگە سۋ كىرۋ قاۋپىن تومەندەتۋگە مۇمكىندىك بەرەدى.
وتكەن جىلدارمەن سالىستىرعاندا قارداعى سۋ كولەمى ازىراق. اۋەدەن باقىلاۋ بارىسىندا وزەندەردەگى سۋدىڭ دەڭگەيى تومەندەگەنى بايقالادى، سۋ تاسۋ جانە ارناسىنان شىعۋ قاۋپى جوق.
قازىرگى تاڭدا سامارقاند سۋ قويماسىنان 15 م³/س. ، ىنتىماق سۋ قويماسىنان - 20 م³/س كولەمىندە سۋ جىبەرىلىپ جاتىر. ءىرى سۋ قويمالارىنان ۋاقىتىندا سۋ جىبەرىپ وتىرۋ شاراسى وزەندەردىڭ ارناسىن جۋىپ وتۋگە، سونداي- اق سۋ قويمالارىندا ەرىگەن قار سۋىن سىيدىراتىن بوس ورىن دايىنداۋعا مۇمكىندىك بەردى.
ايماقتاعى سۋ تاسقىنىنا قاتىستى جاعداي قالىپتى جانە ۇنەمى باقىلاۋدا. جەدەل شتاب كۇن سايىن جاعدايدى قاداعالاپ وتىر.
