نازاربايەۆ «سەرگەك» كامەرالارى تۋرالى: ماقتاندىڭدار، ءبىراق ناتيجە جوق

استانا. قازاقپارات - استانا كوشەلەرىنە ورناتىلعان «سەرگەك» بەينەباقىلاۋ كامەرالارىنىڭ باسىم بولىگى جۇمىس ىستەمەيدى.

بۇل تۋرالى ەلوردانى ودان ءارى دامىتۋ ماسەلەلەرى جونىندەگى ماجىلىستە ەلباسى نۇرسۇلتان نازاربايەۆ ايتتى، دەپ حابارلايدى قازاقپارات.

«اكىم (ەلوردا باسشىسى - اسەت يسەكەشەۆ) «استانا - اقىلدى قالا» دەپ بارلىعىن رەتىمەن ايتىپ بەردى. «سەرگەكتى» باقىلاۋعا الىپ، قاراپ شىققاندا 200 بەينەباقىلاۋ كامەراسىنىڭ تەك 29 ى عانا جۇمىس ىستەيتىندىگى انىقتالدى. ماقتاندىڭدار، ءبىراق ناتيجە جوق»، - دەدى ەلباسى.

مەملەكەت باسشىسى قالادا جول-كولىك وقيعاسى جانە تاعى دا ماسەلەلەر بويىنشا وڭ ناتيجە بار ەكەندىگىن اتاپ ءوتتى.

«ءبىراق 200 بەينەباقىلاۋ كامەراسى بولسا، وندا ونىڭ بارلىعى دا جۇمىس ىستەۋى ءتيىس»، - دەپ ەسكەرتتى نۇرسۇلتان نازاربايەۆ.