التى مىڭ جىل بۇرىنعى سۋلى-نۋلى ساحارا

ولاردىڭ ساراپتاما ناتيجەلەرى بويىنشا، ساحارا جايلى بىرنەشە دەرەك جاريالانعان. قازىرگى داۋىردەن 6 مىڭ جىل بۇرىنعى ساحاراعا ساپار شەگۋ مۇمكىن بولسا، وندا ءبىز جاسىل كورپەگە ورانعان نۋلى دا سۋلى، كورىكتى ايماققا تاپ بولار ەدىك.

ول كەزەڭدە ساحارا گۇلگە ورانىپ، اعاشتار جايقالىپ، ايماقتا كىشىگىرىم كولشىكتەر كوپ بولعان. ال، وسىدان 2700 جىل بۇرىن گۇلدەنگەن بۇل ايماق عالامشاردىڭ ەڭ ىستىق نۇكتەسىنە اينالدى. وكىنىشكە وراي، بۇل ايماقتىڭ قۇمعا اينالۋ ەۆوليۋتسياسىن تولىقتاي انىقتاۋعا كومەكتەسەر فاكتورلار ءبىزدىڭ داۋىرىمىزگە جەتپەگەن.

دەسە دە، عالىمداردىڭ بۇل تۇجىرىمدى جاساۋىنا چاد رەسپۋبليكاسىنىڭ سولتۇستىگىندەگى يوا كولىنىڭ تۇبىنەن تابىلعان شوگىندىلەر كومەكتەسكەن. بۇل شوگىندىلەردى تۇبەگەيلى زەرتەۋگە كۇش سالعان ەكسپەديتسيا مۇشەلەرى گەوحيميالىق ساراپتاما جاساۋ ارقىلى ايماقتىڭ شولەيت دالاعا اينالعانعا دەيىنگى تىرشىلىگىن توپشىلاعان.

اعاشتار مەن ءتۇرلى وسىمدىكتەردىڭ، ميكرواعزالار مەن جانۋارلاردىڭ قالدىقتارى زەرتتەۋشىلەردىڭ جۇمىسىن العا ىلگەرىلەتكەنى ءسوزسىز.

گەرمانيا، كانادا، ا ق ش- تىڭ عالىمدارىنان جاساقتالعان قۇرام وسى ۋاقىتقا دەيىن قالىپتاسقان «افريكا - 5500 جىل بۇرىن شولەيتكە اينالدى» دەگەن تەوريانى جوققا شىعاردى. قۇم قۇشاعىنا ورانعان ءولى دالادا جەر استى سۋلارىنىڭ اسەرىنەن پايدا بولعان سۋقويما بار. گەلتا ارشەي دەپ اتالاتىن وازيس تۇتاس قۇرلىقتىڭ ماقتانىشىنا اينالعان.

ساحارانىڭ قاق ورتاسىندا ورنالاسقان سۋقويما ايماقتىڭ جان-جانۋارىن جويىلىپ كەتۋدەن ساقتاپ تۇرعان كورىنەدى. ءسانى مەن سالتاناتى جاراسقان وازيس كوز تارتار كوركەمدىگىمەن دە ايگىلى.

سونىمەن قاتار، بۇل سۋقويمادا جويىلۋدىڭ الدىندا تۇرعان ءنىل قولتىراۋىندارى تىرشىلىك ەتەدى ەكەن. ساحارا - قۇپياعا تولى جۇمباق مەكەن. قۇم شاعىرلاردىڭ استىندا تالاي تاريح، تالاي تىلسىم دۇنيە جاتقانى انىق.

جەردىڭ ەڭ ىستىق ايماعى بولا تۇرا، بۇل اۋماقتا توگىلىپ قار جاۋعانىنىڭ ءوزى تابيعاتقا قايشى قۇبىلىس. ادامنىڭ ميىنا كىرىپ-شىقپايتىن وقىس وقيعالارمەن دە ساحارا الەم حالقىنىڭ اۋزىندا ءجۇر.

Massaget.kz