د. ترامپ ا ق ش- تىڭ مەكسيكامەن شەكارالاس اۋماعىنا اسكەر جىبەرۋى مۇمكىن

سونداي- اق مەكسيكامەن شەكارالاس اۋماققا اسكەر جىبەرىپ، قورعانىستى كۇشەيتۋى مۇمكىن ەكەنىن دە ەسكەرتتى. بۇل ماسەلە بويىنشا دونالد ترامپ پەنتاگون باسشىسىمەن كەڭەسكەن. ال مەكسيكانىڭ سىرتقى ىستەر مينيسترلىگى ۆاشينگتوننان شەكاراعا اسكەر جىبەرۋ تۋرالى مالىمدەمەنى تولىق ءتۇسىندىرىپ بەرۋدى تالاپ ەتتى.

ونىڭ ايتۋىنشا، ۇكىمەتتىڭ بوسقىندار ماسەلەسىنە قاتىستى ۇستانىمى بار. سوندىقتان سىرتقى كۇشتەر قورقىتىپ ىقپال ەتە المايدى. ايتا كەتەيىك، ا ق ش، مەكسيكا جانە كانادا ەلدەرى سولتۇستىكامەريكالىق ەركىن ساۋدا كەلىسىمىنە وزگەرىس ەنگىزۋ ماسەلەسىندە ورتاق مامىلەگە كەلە الماي جۇرگەنىنە ءبىر جىلداي بولدى.

 دجوردجينا گاريبو، بوسقىندار توبىن ۇيلەستىرۋشى:

 - پرەزيدەنت ترامپتىڭ مالىمدەمەسىنە بولا بوسقىن اتاۋلىدان تەرىس اينالمايمىز عوي. وسىنداي سوزدەر حالىق اراسىنداعى ناسىلشىلدىكتى ارتتىرىپ، جاعدايدى ۋشىقتىرۋى مۇمكىن. بۇل ورتالىق امەريكا مەن مەكسيكا ازاماتتارىن شەتتەتۋ بولىپ سانالادى.

 ميرنا حەرناندەز، بوسقىن:

 - ماقساتىم - ا ق ش- قا جەتۋ. جولىمدى جالعاستىرا بەرۋگە قۇقىعىم بار دەپ ويلايمىن. ءوزىم ءۇشىن، بالالارىم ءۇشىن جارقىن ءومىر ىزدەپ كەلەمىن. گوندۋراستاعى جاعدايىمىز اۋىر.

ەسكە سالا كەتەيىك، بۇعان دەيىن ورتالىق امەريكا ەلدەرىنەن شىققان مىڭداعان ادام مەكسيكا ارقىلى ا ق ش- قا كەلە جاتىر دەگەن اقپارات تارادى. ولاردىڭ باسىم كوپشىلىگى گوندۋراس ازاماتتارى ەكەن. مەكسيكا ىشكى ىستەر مينيسترلىگىنىڭ مالىمەتتەرىنە قاراعاندا، بوسقىنداردىڭ 400-دەيى وتانىنا قايتارىلعان.

www.24.kz