ماسكەۋدە قازاقتىڭ زەرگەرلىك ونەر جاۋھارلارى ۇسىنىلدى

«التىن ادامنىڭ الەم مۋزەيلەرىنە شەرۋى» جوباسى اياسىندا اشىلعان كورمەدە ق ر ۇلتتىق مۋزەيى قورىنان VII- Ⅲ عاسىرلارعا جاتاتىن التىن بۇيىمدار كوللەكتسياسى مەن ەسىك قورعانىنان تابىلعان ساق جاۋىنگەرى تولىق كيىممەن تانىستىرىلدى.

ال، ونىڭ نەگىزگى ەكسپوناتى - 1969 -جىلى تابىلعان «التىن ادام» . بۇل كونە جادىگەر الماتى قالاسىنان شىعىسقا قاراي 50 شاقىرىم جەردەگى ەسىك قورعانىنان بەلگىلى ارحەولوگ كەمال اقىشيەۆ باسقارعان ارحەولوگيالىق ەكسپەديتسيادا تابىلعان. كوسەمنىڭ كوستيۋمى مەن باس كيىمىنىڭ بارلىق اشەكەيلەرى كيىمگە تىگىلگەن كەزەكپەن وزگەرىسسىز ساقتالعان. بارلىق اشەكەيلەر ونەر تۋىندىسى جانە سكيف- ءسىبىر اڭدىق ءستيلىنىڭ ەسكەرتكىشتەرىنە جاتادى.

بۇگىندە «التىن ادام» بۇكىل الەمگە تانىمال جانە قازاقستان رەسپۋبليكاسىنىڭ سيمۆولى بولىپ سانالادى. ارحەولوگتار «التىن ادامنىڭ» جەرلەۋ كامەراسىننان 4800 گە جۋىق اشەكەيلەر تاپقان.

«ارحەولوگيا سالاسىنداعى تۋتانحامون قورعانىمەن عانا سالىستىرۋعا بولاتىن «التىن ادامنىڭ» كورمەسى ءبىزدىڭ مۋزەيىمىزدە ق ر ۇلتتىق مۋزەيىنىڭ ۇيىمداستىرۋىمەن العاش رەت اشىلىپ وتىر. كورمە ارحەولوگيالىق مازمۇنىمەن عانا ەمەس، جوعارى دەڭگەيدە دايىندالعاندىعىمەن دە ەرەكشەلەنەدى. حالىقتىق جانە ساندىك- قولدانبالى ونەردىڭ بۇكىلرەسەيلىك مۋزەيىندە ءوتىپ جاتقان بۇل كورمە كەلگەن كورەرمەندەرگە قۋانىش سىيلايدى دەپ ويلايمىن» ، دەدى حالىقتىق جانە ساندىك- قولدانبالى ونەردىڭ بۇكىلرەسەيلىك مۋزەيىنىڭ ديرەكتورى ە. تيتوۆا.

جالپى، كورمەدە تانىستىرىلاتىن زەرگەرلىك ونەر تۋىندىلارى - ەۋرازيانىڭ دالالىق مادەنيەتىنىڭ وزىندىك ءستيلى مەن ەرەكشەلىكتەرىن بەينەلەيتىن اشەكەي- بۇيىمدار مەن بىزگە اتى بەلگىسىز تاريح تەرەڭىندە قالعان شەبەرلەردىڭ قولدارىنان شىققان تۋىندىلاردىڭ ءبىر بولىگى عانا.

«التىن ادامنىڭ الەم مۋزەيلەرىنە شەرۋى» حالىقارالىق كورمە جوباسىنىڭ باعىتى شىعىس ازيا (جاپونيا، كورەيا) ، وڭتۇستىك شىعىس ازيا (قىتاي) ، ەۆروپا (اۆستريا، فرانسيا) ، سونىمەن قاتار رەسەيدى جانە امەريكا قۇراما شتاتتارىن قامتيدى.

ماسكەۋدەگى «ۇلى دالا مۇراسى: زەرگەرلىك ونەر جاۋھارلارى» كورمەسى 2018 -جىلدىڭ 13 - مامىرىنا دەيىن جالعاسادى.

Baq.kz