استانا تاسقىن سۋدان قالاي قورعالىپ جاتىر

استانا. قازاقپارات - ەلوردا اكىمدىگىنىڭ وكىلدەرى سۋ تاسقىنىن بولدىرماۋ جونىندە جۇمىستاردى تانىستىردى، دەپ حابارلايدى قازاقپارات.

«استانا اكىمى اسەت يسەكەشيەۆ 2018 -جىلى ەلوردا اۋماعىنا تاسقىن سۋدى وتكىزۋ بويىنشا كەشەندى جوسپار بەكىتىلدى. جوسپارعا سايكەس، سۋ باسۋى ىقتيمال 27 ۋچاسكە ايقىندالدى. ونىڭ اربىرىنە بايلانىستى اتقارىلاتىن جۇمىستار مەن قاجەتتى ماتەريالدار جانە قارجىلاندىرۋ كولەمى پىسىقتالدى»، - دەپ توقتالدى استانا قالاسىنىڭ وتىن- ەنەرگەتيكالىق كەشەنى جانە كوممۋنالدىق شارۋاشىلىق باسقارماسى باسشىسى ورىنباسارىنىڭ مىندەتىن اتقارۋشى يگور الەكسەيەۆ.

وسى ورايدا ول نەگىزگى شارالار استانا سۋ قويماسىنا قاتىستى ەكەنىن ايتا كەلە، بۇل سۋ قويمانىڭ جوبالىق كولەمى 410 ميلليون تەكشە مەتر ەكەنىن، 3 - ساۋىردەگى جاعداي بويىنشا سۋ كولەمى 282 ميلليون تەكشە مەترگە جەتكەنىن اتاپ ءوتتى.

بۇدان بولەك ول قالا ماڭىنداعى كونتررەتتەۋىشتەگى جاعدايعا توقتالدى.

«قازىرگى كەزدە كونتەررەتتەۋىشتە 2,6 ميلليون تەكشە مەتر سۋ جينالعان. بۇل نىسانعا 450 ميلليون تەكشە مەترگە دەيىن سۋ جيناۋعا بولادى»، - دەپ ناقتىلادى مامان.

تاراتىلعان مالىمەتتەرگە قاراعاندا، قازىرگى كەزدە مايبالىق كولىندەگى سۋدىڭ كولەمى 62 ميلليون تەكشە مەتردى قۇرادى. جالپى كولدەگى سىيىمدىلىق مولشەرى 82-84 ميلليون تەكشە مەتر شاماسىندا. استانا قالاسىنىڭ اكىمدىگى مايبالىق كولىنەن شىعىپ «نۇرا - ەسىل» كانالىنا باراتىن قولدانىستاعى ۇزىندىعى 5,4 ك م قۇرايتىن كانالدى تازالاۋدى اياقتادى.

سونىمەن قاتار «كىشى تالدىكول» اۋدانىنا ەرەكشە نازار اۋدارىلىپ، وسى كولدە بوگەتتەردى بەكىتۋ جۇمىستارى جۇرگىزىلدى. ال يلينكا تۇرعىن الابىنا توقتالاتىن بولساق، بۇل جەردە 500 مەترلى بوگەت قالىپقا كەلتىرىلدى.

بەلگىلى بولعانداي، اعىمداعى قىس مەرزىمىندە قالادان شىعارىلعان قار كولەمى 3,1 ميلليون تەكشە مەردى قامتىدى. ال وتكەن جىلدىڭ سايكەس كەزەڭىندە 5,4 ميلليون شارشى مەتر شىعارىلعان بولاتىن.

«اكىمدىك جانىندا ءبىرىڭعاي بايلانىس ورتالىعى (109 قىزمەتى) قۇرىلدى. بۇگىندە 900-گە جۋىق حابارلاما كەلىپ ءتۇستى، ونىڭ 99 پايىزى بويىنشا جۇمىستاردى ىسكە اسىردىق. قازىرگى كەزدە 14- ءى بويىنشا جۇمىستار پىسىقتالۋدا»، - دەدى ي. الەكسەيەۆ.

اۆتور: رۋسلان عابباسوۆ