يتاليا استاناسىندا العاش رەت قىزعالداقتار ساياباعى اشىلدى
استانا. قازاقپارات - كوكتەم كەلگەلى ريم ىرگەسىندە گۇلدەگەن وسى اسەم وسىمدىكتىڭ سانى 300 مىڭعا جۋىقتايدى. ونىڭ ىشىندە القىزىل، سارى، كۇلگىن ءتۇستى 75 سۇرىبى بار. ساياباق گوللانديا ۇلگىسىمەن جوبالانعان، دەپ حابارلايدى حابار 24 تەلەارناسى.
ال جەل ديىرمەنى قىزعالداقتار الاڭىنا ەرەكشە ءسان بەرىپ تۇر. جالپى گۇل وتىرعىزۋ يدەياسى گوللانديالىق پەيزاجعا عاشىق بولعان بەلگىلى كاسىپكەرلەر جانۇياسىنا تيەسىلى. وسىلايشا وتباسىلىق جۇپتىڭ جۇمىس ناتيجەسىن ەندى ريمدىكتەر دە قىزعالداقتار ەلىنە بارماي- اق تاماشالاۋعا مۇمكىندىك الدى. گۇلدەن قۇرالعان ءتۇرلى- ءتۇستى كىلەم 15 مىڭ شارشى مەترگە جايىلعان.
ءتىپتى «تيۋليپ- پاركتە» ءوز داستارحانىمەن كەلىپ پيكنيك ۇيىمداستىرۋعا بولادى. ويتكەنى بۇل كوركەم كورىنىستىڭ عۇمىرى قىسقا بولعاندىقتان، ساياباق تەك كەلەسى كوكتەمدە قايتا اشىلادى.
«باققا كەلگەن ءار ادام وزىنە ۇناعان گۇلدەردەن جەكە گۇلشوعىن جيناي الادى. بۇگىندە ءبىز ساياباق اۋماعىنا 300 مىڭنان استام قىزعالداق وتىرعىزدىق. ولاردىڭ تۇرلەرى مەن تۇستەرى دە سان الۋان. سوندىقتان كەلۋشىلەرگە ۇلكەن تاڭداۋ ۇسىنىلىپ وتىر»، - ساياباق كۋراتورى داۆيدە ۆوتادورو.
