فرانسيا سيريانىڭ سولتۇستىگىنە اسكەر جىبەرەدى
استانا. قازاقپارات - فرانتسيا سيريانىڭ مانبيدج قالاسىنداعى كۇردتەرگە اسكەريلەرىن كومەككە جىبەرەدى دەپ حابارلادى Reuters اگەنتتىگى.
بۇل جايىندا كەلىسىم فرانسيا پرەزيدەنتى ەممانۋەل ماكرون مەن سيريا دەموكراتيالىق كۇشتەرى وكىلدەرىنىڭ پاريجدەگى كەزدەسۋىندە جاسالدى. ماندبيجگە قانشا اسكەر جىبەرىلەتىنى ايتىلمايدى.
تۇركيا سيريانىڭ سولتۇستىگىندە قاڭتاردىڭ سوڭىنان بەرى كۇردتەرگە قارسى «زايتۇن بۇتاعى» اسكەري وپەراتسياسىن جۇرگىزىپ جاتىر. وپەراتسيا بارىسىندا مانبيدج باقىلاۋعا الىنۋى ءتيىس. مانبيدجدە امەريكالىق اسكەريلەر ورنالاسقان. انكارا ۆاشينگتوندى قالادان اسكەريلەرىن شىعارۋعا شاقىرعان، ءبىراق ا ق ش ونى ورىنداۋدان باس تارتقان.
تۇركيا بيلىگى كۇردتەردىڭ حالىقتىق ءوز- ءوزىن قورعاۋ وتريادتارىن تەررورشىلارعا بولىسادى دەپ سانايدى جانە ولاردى باسىپ العان ايماقتارىنان تىقسىرىپ شىعارعىسى كەلەدى. كۇرد ميليتسياسى اقش باسقاراتىن كواليتسيا قۇرامىندا «يسلام مەملەكەتى» ەكسترەميستىك ۇيىمىمەن سوعىسىپ جاتىر.
«ازاتتىق»
