سەمەيلىكتەرگە گۋمانيتارلىق كومەك جينالىپ جاتىر
سەمەي. قازاقپارات - سەمەيدە سۋ تاسقىنىنان زارداپ شەككەندەرگە گۋمانيتارلىق كومەك جينالىپ جاتىر، دەپ حابارلايدى قازاقپارات.
«نۇر وتان» پارتياسىنىڭ سەمەي قالالىق فيليالى سۋ تاسقىنىنان زارداپ شەككەن تۇرعىندارعا گۋمانيتارلىق كومەك كورسەتۋگە شاقىردى. كومەك قولىن سوزۋعا نيەتى بار تۇرعىندار ازىق-تۇلىك، كيىم-كەشەك پەن توسەك جابدىقتارىن پارتيانىڭ قابىلداۋ بولىمىنە اكەلىپ تاپسىرسا بولادى. جينالعان دۇنيەلەر سۋ تاسقىنىنان زارداپ شەككەن بوبروۆكا، مۇرات، ميرنىي كەنتتەرى مەن زاتون، تۇيەمويناق ارالى اۋداندارىنىڭ تۇرعىندارىنا ۇلەستىرىلەدى.
قابىلداۋ بەكەتى سەمەي قالاسى، چايجۇنىسوۆ كوشەسى، 138، «نۇر وتان» پارتياسىنىڭ سەمەي قالالىق فيليالى عيماراتىندا ورنالاسقان.
«بارلىق باستاۋىش پارتيا ۇيىمدارىنىڭ ءتوراعالارىنا كومەك كورسەتۋ تۋرالى حات جولداندى جانە الەۋمەتتىك جەلى، باق ارقىلى حابار تاراتتىق. گۋمانيتارلىق كومەك 29- ناۋرىزدان باستالدى. قازىردە قالا تۇرعىندارى قولدارىنان كەلگەنشە جەرلەستەرىنە كومەكتەسۋگە تىرىسىپ جاتىر. كۇن سايىن كومەك كەلىپ جاتىر. بارلىعى زارداپ شەككەندەرگە بەرىلەتىن بولادى»، - دەيدى «نۇر وتان» پارتياسىنىڭ سەمەي قالالىق فيليالىنىڭ قوعامدىق قابىلداۋ ءبولىمىنىڭ مەڭگەرۋشىسى دارحان ءجۇمادىلوۆ.
