شىعىس قازاقستاندا ايرىقشا مەتالدىڭ مول قورى انىقتالدى
كەيبىر ەلدەر مۇنايمەن تەڭەستىرىپ جاتقان كۇمىس تۇستەس بۇل اسا باعالى، جەڭىل مەتال ءتۇرى شىنى جانە كەراميكا ونەركاسىبى سالالارىنا (%31) كوپ پايدالانىلۋدا. شىنى وندىرۋدە ليتيدى از مولشەردە قوسۋ قۋات كوزىن تۇتىنۋدى %5-10 ازايتادى. ەلەكتروموبيل وندىرۋگە اسا قاجەت ليتيي اككۋمۋلياتور باتارەيالارىن شىعارۋعا دا كەڭىنەن قولدانىلادى، تۇتىنۋ كولەمى- %23. اتالعان مەتال قاجەتتى قورىتپالاردى ازىرلەۋ كەزىندە مەتاللۋرگيا ونەركاسىبىندە ءجيى قولدانىلادى. ساراپشىلار الداعى ۋاقىتتا ليتييگە دەگەن سۇرانىستىڭ ارتا بەرمەك ەكەندىگىن ايتۋدا.
2015-جىلى «وڭىرلىك، گەولوگيالىق- ءتۇسىرۋ، ىزدەۋ-باعالاۋ جانە ىزدەۋ-بارلاۋ جۇمىستارى» بيۋجەتتىك باعدارلاماسى بويىنشا رەسپۋبليكالىق بيۋدجەت قاراجاتى ەسەبىنەن جوعارعى ەسپە سيرەك مەتال ۋچاسكەسىندە ىزدەستىرۋ-باعالاۋ جۇمىستارى باستالدى. ول اياگوز اۋدانىنىڭ اۋماعىندا اياگوز قالاسىنان سولتۇستىك شىعىسقا قاراي 88 شاقىرىمدا ورنالاسقان، جۇمىستاردى «قازگەولوگيا» ۇ گ ك» ا ق جۇرگىزىپ جاتىر. بۇل جاقتا پيروحلور، گاگارينيت، توريت، تسيركون، كسەنوتيم، موناتسيت، گادولينيت، فەناكيت مينەرالدارى بار ەكەندىگى انىقتالعان.
