قازاق ستۋدەنتتەرى شياڭگاڭدا تەاترلاندىرعان شوۋ ۇيىمداستىردى

 گونكونگ پوليتەحنيكالىق ۋنيۆەرسيتەتىنىڭ ستۋدەنتتەرى ءوز مۇعالىمدەرى مەن ءار ەلدەن كەلگەن كۋرستاستارىنا ارناپ مەرەكەلىك تەاترلاندىرىلعان شوۋ ۇيىمداستىردى.

مەرەكەلىك قويىلىمدا قازاقستاندىق ستۋدەنتتەر شەتەلدىك اۋديتوريانى قازاق حالقىنىڭ مادەنيەتىمەن، ۇلتتىق تاماقتارىمەن تاڭ قالدىردى. شەتەلدىك ستۋدەنتتەر قازاقتىڭ ۇلتتىق ويىندارىنا قاتىستى.

 وسىنداي ءىس- شارا گونكونگتاعى قازاقستاندىق ستۋدەنتتەردىڭ ەكىنشى توبى وقىپ جاتقان باپتيست ۋنيۆەرسيتەتىندە دە ۇيىمداستىرىلدى. مۇندا دا شەتەلدىك اۋديتورياعا ءبىزدىڭ ەلىمىزدىڭ تاريحى، مادەنيەتى مەن قازىرگى زامانعى دامۋى تانىستىرىلىپ، ويىن- ساۋىق ينتەراكتيۆتى كونكۋرستار وتكىزىلدى.

 ءىس- شاراعا قاتىسقان قازاقستاندىق ديپلوماتتار ورتالىق ازياداعى ناۋرىز مەرەكەسى تۋرالى ايتتى. سونىمەن قاتار ءبىزدىڭ ەلىمىز بەن ەلباسىمىزدىڭ مادەني، تاريحي جانە لينگۆيستيكالىق قاۋىمداستىق نەگىزىندە ايماق ەلدەرىن ينتەگراتسيالاۋداعى ءرولىن، قوعامدىق سانانى جاڭعىرتۋ مىندەتتەرىن ەسكەرە وتىرىپ، قازاقستاندىق ديپلوماتيانىڭ باسىمدىقتارىن، ۇلتتىق مادەنيەت پەن تاريح تۋرالى جەتكىزدى.

ەستەرىڭىزگە سالا كەتەيىك، گونكونگتا الەمدىك دەڭگەيدەگى الەمنىڭ جەتەكشى 100 ۋنيۆەرسيتەتىنىڭ قاتارىنا كىرەتىن ءبىلىم وردالارى ورنالاسقان. بۇگىنگى مۇندا قازاقستاننان 100-گە جۋىق ستۋدەنت ءبىلىم الىپ جاتىر. ولاردىڭ كوپشىلىگى باكالاۆريات باعدارلاماسى بويىنشا وقيدى.