سىر وڭىرىندە قوقىس وڭدەيتىن زاۋىت سالىنباق

وسى ماقساتتا «Smart city» جوباسىن جۇزەگە اسىرۋعا جول اشىلادى. قازىرگى تاڭدا وسى ماقساتتا قىتايدىڭ CNEEC مەملەكەتتىك ينجەنەرلىك كومپانياسىمەن كەلىسسوزدەر جۇرگىزىلۋدە.

وڭىرلىك كوممۋنيكاتسيالار قىزمەتىنىڭ حابارلاۋىنشا، بۇل كومپانيا الەمنىڭ 70 كە جۋىق مەملەكەتىندە جىلۋ، جەل جانە سۋ ەلەكتر ستانسالارىن سالعان. سونداي-اق، قوقىس وڭدەيتىن زاۋىتتار سالۋ ىسىندە دە جيناقتاعان تاجىريبەسى بار.

قىزىلوردا ءوڭىرى كۇن كوزى جونىنەن بەلسەندى ايماق ەكەنى بەلگىلى. اتاپ ايتقاندا، جايدارى جاز مەزگىلىندە ونىڭ بەلسەندىلىگى ايقىن اڭعارىلادى. ول قۋاتتىلىعى جوعارى كۇن ەلەكتر ستانساسىن سالۋعا مول مۇمكىندىك تۋعىزادى. ال «اقلاق» سۋ توسپاسىندا سۋ ەلەكتر ستانساسى سالىنسا، ودان جەرگىلىكتى جۇرت ءوز پايداسىن كورەدى. سەبەبى، وندا 20-25 مەگاۆاتتىق سۋ ەلەكتر ستانساسىن ورناتۋعا بولادى.

سىر وڭىرىندە قوقىس وڭدەيتىن زاۋىت سالۋعا دا ماڭىز بەرىلىپ وتىر. ول ايماقتا قالدىقتاردى ورتەۋ جانە ەلەكتر ەنەرگياسىنىڭ بەلگىلى مولشەرىن شىعارۋدى كوزدەيتىن ەكى مىندەتكە نەگىزدەلگەن.

سىر وڭىرىندە «Smart city» (اقىلدى قالا) جوباسىن جۇزەگە اسىرۋ ءۇشىن قىتايدىڭ الەمگە تانىمال «Huawei» كومپانياسىمەن ءوزارا ارىپتەستىك تۋرالى مەموراندۋم جاسالعان. وسى باعىتتاعى العاشقى جوبالار قىزىلوردانىڭ سول جاعالاۋىنداعى جاڭا بولىگىندە مەملەكەتتىك-جەكەمەنشىك ارىپتەستىك نەگىزدە قولعا الىنادى دەپ كۇتىلۋدە.