باقىتجان ساعىنتايەۆ: ارالدىڭ قازاقستاندىق بولىگى قالپىنا كەلدى
كەزدەسۋ بارىسىندا سولتۇستىك ارال جوبالارىن ىسكە اسىرۋ، اۋىل شارۋاشىلىعىن دامىتۋ، سونىڭ ىشىندە سۋارمالى جەرلەردى جاقسارتۋ ماسەلەلەرى تالقىلاندى.
بۇگىندە اۋدان ەكونوميكاسىن دامىتۋ بويىنشا شارالار كەشەنى ىسكە اسىرىلۋدا. ارال اۋدانىنىڭ بيۋدجەتى جەتى ەسەگە ۇلعايتىلدى، سونىڭ ارقاسىندا جاڭا ءوندىرىس ورىندارى مەن الەۋمەتتىك نىساندار اشىلدى. مەملەكەت باسشىسىنىڭ باستاماسىمەن قۇرىلعان ارالدى قۇتقارۋدىڭ حالىقارالىق قورىنا 25 جىل تولدى. بۇل شەشىم ارال ماڭى تۇرعىندارى ءۇشىن عانا ەمەس، سونداي- اق بۇكىل ەل ءۇشىن ماڭىزدى وقيعا بولدى - ارالدىڭ قازاقستاندىق سەكتورى قايتا قالپىنا كەلدى.
قىزىلوردا وبلىسىنىڭ اكىمى ق. كوشەربايەۆ سولتۇستىك ارال جوبالارى تۋرالى تولىعىراق بايانداپ بەردى.
اكىمنىڭ ايتۋىنشا، ارالدى قايتا قالپىنا كەلتىرۋگە بايلانىستى ايماق ەكونوميكاسىنىڭ جاقسارۋىنىڭ ارقاسىندا كاسپي، بالقاش جانە قاپشاعايعا كەتكەن بالىقشىلار وڭىرگە قايتا ورالعان.
ق ر اۋىل شارۋاشىلىعى مينيسترلىگىنىڭ سۋ رەسۋرستارى كوميتەتىنىڭ ءتوراعاسى ي. ابىشيەۆ سۋارمالى جەرلەردى جاقسارتۋ تۋرالى بايانداما جاسادى.
بۇدان وزگە، ماسەلەنى تالقىلاۋ بارىسىندا ەڭبەك ارداگەرى، قازاق كسر بالىق شارۋاشىلىعىنىڭ بۇرىنعى ءمينيسترى ق. سارجانوۆ پىكىر ءبىلدىردى.
