ق ر پرەمەر- ءمينيسترى «سارى ارقا» ماگيسترالدى گاز قۇبىرىنىڭ قۇرىلىس جوسپارىمەن تانىستى
دەپ حابارلايدى قازاقپارات primeminister.kz-گە سىلتەمە جاساپ.
قاراوزەك ستانساسى قازاقستان كەن ورىندارىنىڭ باتىس توپتارىنان (قاراشىعاناق، قاشاعان، تەڭىز، جاڭاجول جانە ورىك تاۋ گازى) تابيعي گازدى تۇراقتى جەتكىزۋدى قامتاماسىز ەتۋ ءۇشىن بەينەۋ- بوزوي- شىمكەنت گاز ماگيسترالدى جۇيەسىندە جۇمىس ىستەۋگە باعىتتالعان. زاۋىتتىڭ ونىمدىلىگى جىلىنا 10 ميلليارد تەكشە مەتردى قۇرايدى، بۇل كورسەتكىشتى بولاشاقتا جىلىنا 15 ميلليارد تەكشە مەترگە دەيىن جەتكىزۋ جوسپارلانىپ وتىر.
بيىلعى شىلدە ايىندا «قاراوزەك» كومپرەسسورلىق ستانساسىنان « قىزىلوردا - جەزقازعان - قاراعاندى - تەمىرتاۋ - استانا» باعىتىندا 2,7 ميلليون ادامدى تابيعي گازبەن قامتاماسىز ەتەتىن «سارى ارقا» گاز قۇبىرىنىڭ قۇرىلىسى باستالادى.
جوبانىڭ ءبىرىنشى كەزەڭدە ۇزىندىعى 1081 شاقىرىم « قىزىلوردا - جەزقازعان - قاراعاندى - استانا» باعىتى بويىنشا ماگيسترالدىق گاز قۇبىرىنىڭ قۇرىلىسى جوسپارلانعان. ەكىنشى كەزەڭدە ۇزىندىعى 276 شاقىرىم بولاتىن «استانا - كوكشەتاۋ» گاز قۇبىرى تارتىلادى. ءۇشىنشى كەزەڭدە - 177 شاقىرىم بولاتىن «كوكشەتاۋ - پەتروپاۆل» ۋچاسكەسى جانە سوڭعى ءتورتىنشى كەزەڭدە اتالعان گاز قۇبىرىنان گاز تۇتىنۋدىڭ بولجامدى ۇلعايۋىن ەسەپكە الا وتىرىپ، ماگيسترالدى گاز قۇبىرىنىڭ وتكىزگىشتىك قۋاتىن جىلىنا 3 ميلليارد تەكشە مەترگە دەيىن جەتكىزۋ ءۇشىن «جەزقازعان» جانە «تەمىرتاۋ» كومپرەسسورلىق ستانسالارىن سالۋ كوزدەلىپ وتىر. ماگيسترالدى گاز قۇبىرىن تولتىرۋ جانە تۇتىنۋشىلاردى گاز جەتكىزۋمەن قامتاماسىز ەتۋ ماقساتىندا قاراعاندى، اقمولا وبلىستارى مەن استانا اكىمدىكتەرى 2019 -جىلدىڭ شىلدەسىنە دەيىن گاز قۇبىرىنىڭ اياقتالۋىن سينحرونداۋ ارقىلى گاز تاراتۋ جەلىلەرىن جوبالايدى.
سونداي- اق بۇل جوبا ماگيسترالدى گاز قۇبىرى بويىنداعى ينفراقۇرىلىمدى بەلسەندى دامىتۋعا، تابيعي گازدى پايدالانۋعا قاتىستى جاڭا جۇمىس ورىندارىن قۇرۋعا مۇمكىندىك بەرەدى. ساپار بارىسىندا « قىزىلوردا- جەزقازعان» اۆتوجولىن دامىتۋ پەرسپەكتيۆالارى دا قارالدى.
