اۋىل شارۋاشىلىعى مينيسترلىگى قىتايعا قوي ەتىن ەكسپورتتاۋعا جول اشتى
ءىس-شاراعا ق ر ا ش م ۆەتەرينارلىق باقىلاۋ جانە قاداعالاۋ كوميەتىنىڭ ءتوراعاسى تۇرسىن قابدۋلدانوۆ، ق ر ا ش م مال شارۋاشىلىعى دەپارتامەنتى ديرەكتورى ازامات ساعىنبايەۆ جانە «زەرنوۆايا يندۋستريا» اگروحولدينگى ديرەكتورلار كەڭەسىنىڭ ءتوراعاسى قايىرجان ناۋرىزعاليەۆ قاتىستى.
ق ر اۋىل شارۋاشىلىعى مينيسترلىگى مەملەكەت باسشىسىنىڭ تاپسىرماسىن ورىنداۋ اياسىندا وتاندىق ونىمدەردى ىلگەرىلەتۋ جانە تاۋارلاردى حالىقارالىق نارىقتارعا شىعارۋ ماقساتىندا ستراتەگيالىق ىزدەۋ جۇمىستارىن جالعاستىرىپ وتىر.
ەڭ الدىمەن، قازاقستاندىق بيزنەس ءۇشىن لوگيستيكالىق شىعىنداردى ازايتۋ، ينفراقۇرىلىمنىڭ قولجەتىمدىلىگىن قامتاماسىز ەتۋ جۇمىستارى كورشى ەلدەرمەن بايلانىستى ورناتقاندا جۇزەگە اسىرىلادى.
بۇل باعىتتا قىتاي حالىق رەسپۋبليكاسىنىڭ ساپانى قاداعالاۋ، ينسپەكتسيا جانە كارانتين جونىندەگى باس باسقارماسىمەن قازاقستان رەسپۋبليكاسىنان ق ح ر- عا اۋىل شارۋاشىلىعى تاۋارلارىن كەدەرگىسىز الىپ كەلۋ بويىنشا اكىمشىلىك جانە ۆەتەرينارلىق تالاپتاردى كەلىسۋ جۇمىستارى جۇرگىزىلۋدە.
وسىعان دەيىن ق ح ر ساپانى قاداعالاۋ، ينسپەكتسيا جانە كارانتين جونىندەگى باس باسقارماسى ءبيداي پارتياسىن، سويانى، ءبيداي جارماسىن ەكسپورتتاۋ بويىنشا كەلىسىمدەرگە قول جەتكىزىلگەن بولاتىن.
2018-جىلعى 20- ناۋرىزدا ق ح ر ساپانى قاداعالاۋ، ينسپەكتسيا جانە كارانتين جونىندەگى باس باسقارماسىنىڭ ارنايى سايتىندا مۇزداتىلعان قوي ەتىنىڭ ۆەتەرينارلىق سەرتيفيكات (تالاپتارىن) كەلىسۋ جانە قازاقستاننىڭ 9 وبلىسىنا وسى ءونىمدى يمپورتتاۋعا رۇقسات بەرۋ تۋرالى اقپارات ورنالاستىرىلعان بولاتىن. نودۋليارلىق دەرماتيت بويىنشا قويىلعان شەكتەۋلەرگە بايلانىستى مۇزداتىلعان قوي ەتىن ەكسپورتتاۋ ازىرگە تەك تەمىر جول ارقىلى التىنكول، دوستىق بەكەتتەرىندە جۇزەگە اسىرىلادى.
سونىمەن قاتار، 2018-جىلدىڭ ءساۋىر ايىندا قىتاي دەلەگاتسياسىنىڭ قازاقستاندىق ءوندىرىس ورىندارىنا ماقسارى مەن جوڭىشقانى ەكسپورتتاۋ ءۇشىن فيتوسانيتارلىق تالاپتاردى وڭتايلاندىرۋ ءۇشىن ءىس ساپارى جوسپارلانعان.
اۋىل شارۋاشىلىعى ونىمدەرى بويىنشا جۇمىس توبىنىڭ 4-كەڭەسىندە (2018-جىلى 2- جەلتوقساندا، استانادا) 2018-جىلى ماۋسىم ايىندا ارپا مەن جۇگەرى ءوندىرۋ بويىنشا بىرىككەن ينسپەكتسيا وتكىزۋ تۋرالى كەلىسىمگە قول قويىلدى.
ستاتيستيكا كوميتەتىنىڭ مالىمەتى بويىنشا 2017-جىلى قوي ەتىن رەسەي، يران، باحرەين، ب ا ءا، كۋۆەيت ەلدەرىنە بارلىعى 895,4 توننا ەت 4068,6 مىڭ ا ق ش دوللارىنا ەكسپورتتالدى. 2016-جىلمەن سالىستىرعاندا قوي ەتىن ەكسپورتتاۋ 4,2 ەسەگە ارتتى.
الداعى كۇندەرى قىتايعا سيىر ەتىن، ۇساق مالدى سويۋعا، تۇيە جانە باسقا مال تۇرلەرىن ەكسپورتتاۋعا تالاپتاردى كەلىسۋ بويىنشا كەلىسسوزدەر قايتادان قولعا الىنادى.
