قازاقستاندا تەمىرجول قاۋىپسىزدىگىن تەكسەرۋ سانى ەكى ەسەگە ءوستى
جيىندا اتالعان سالاداعى وزەكتى ماسەلەلەر بەلگىلەنىپ، تاسىمالداۋشىلارمەن پىكىر الماسىلدى.
تەمىرجول كولىگىندەگى باقىلاۋ باسقارماسىنىڭ اقپاراتىنا سايكەس، 2017-جىلى تاسىمالداۋ پروتسەسىنىڭ بارلىق قاتىسۋشىلارى قاۋىپسىزدىك ەرەجەلەرىن 881 رەت بۇزعان (2016-جىلى - 1031).
جولاۋشىلار پويىزدارىندا 183 وقيعا تىركەلگەن. «تۇلپار-تالگو» ۆاگوندارى تىركەلگەن جولاۋشىلار پويىزىنا ايرىقشا كوڭىل ءبولىندى. 2015-2017-جىلدارعا جاسالعان تالداۋ پويىزدى جابدىقتاۋعا بايلانىستى ەرەجە بۇزۋ فاكتىلەرىنىڭ وسكەنىن كورسەتىپ وتىر. سونىڭ سالدارىنان ۇزاق ۋاقىتقا كىدىرۋ، جولاۋشىلارعا كەرى اسەر ەتۋ ماسەلەلەرى تۋىنداعان.
جولدار مەن قۇرىلىس شارۋاشىلىعىندا 146 زاڭ بۇزۋشىلىق جاسالعان. ولاردىڭ باستى سەبەپتەرى - جولداردىڭ جوعارعى قۇرىلىستارىندا اقاۋلاردىڭ بولۋى (جىلجىمالى سوستاۆتىڭ 9 رەت جولدان شىعۋىنا اكەلگەن)، ادام وتەتىن جەرلەردە قورشاۋدىڭ بولماۋى.
لوكوموتيۆتى جانە ۆاگون شارۋاشىلىعىندا 50 زاڭ بۇزۋشىلىق تىركەلگەن. ونىڭ ىشىندە اۋىر جۇك جىلجىمالى قۇرامىنىڭ جوندەۋدەن ءوتۋ ساپاسىنىڭ تومەندىگى، لوكوموتيۆ بريگادالارىنىڭ لاۋازىمدىق نۇسقاۋلىقتارىن بۇزۋى، پويىز لوكوموتيۆىنىڭ اقاۋلارى جانە تاعى باسقالار بار.
2017-جىلعى كولىكتى باقىلاۋ ورگاندارىنىڭ 737 تەكسەرىسى ناتيجەسىندە تەمىرجول كولىگىندە قوزعالىس قاۋىپسىزدىگىن بۇزۋ (2016 گودۋ - 5414) فاكتىلەرى انىقتالعان. بۇل 2016-جىلمەن سالىستىرعاندا ەكى ەسە ءوسىپ وتىر. 10,6 مىڭ شاقىرىم ماگيسترالدى، ستانتسيالىق جانە كىرمە جولدار، سونىمەن بىرگە تەمىرجول جىلجىمالى قۇرامىنىڭ 15 مىڭ (2016 - 5414) بىرلىگى تەكسەرىلگەن. تەكسەرۋ بارىسىندا 27634 نورماتيۆتى قۇقىقتىق اكتىلەر تالاپتارىنىڭ (2016-جىلى - 12603) بۇزىلعانى انىقتالدى.
قابىلدانعان شارالاردىڭ ناتيجەسىندە 1094 تەمىرجول جەلىسى مەن باعىتتامالىق بۇرمانى، 515 تەمىرجول جىلجىمالى قۇرامىن پايدالانۋ توقتاتىلدى.
875 جولاۋشىلار پويىزى تەكسەرىلىپ (2016-جىلى - 253)، 1194 (2016-جىلى - 775) بيلەتسىز جولاۋشىلاردى تاسىمالداۋ جانە 1922 كەلى (2016-جىلى - 2131 كەلى) راسىمدەلمەگەن باگاج انىقتالىپ، توقتاتىلعان.
ەسەپتى كەزەڭدە 1459 اكىمشىلىك ماتەريال راسىمدەلىپ، 54 ميلليون تەڭگەدەن استام ايىپپۇل سالىندى.
