شەنەۋنىك كەمەروۆودا بولعان ءورت ءۇشىن تۇرعىنداردان تىزەرلەپ تۇرىپ كەشىرىم سۇرادى

 «كەمەروۆودا ميتينگ. 4 مىڭعا جۋىق ادام اكىمشىلىك عيماراتتىڭ ماڭىنا جينالىپ، امان تولەيەۆتىڭ (كەمەروۆو وبلىسىنىڭ گۋبەرناتورى. ۇلتى قازاق) وتستاۆكاعا كەتۋىن تالاپ ەتىپ جاتىر. جينالعانداردىڭ ىشىندە «زيمنيايا ۆيشنيا» ساۋدا ورتالىعىندا بولعان ورتتەن قازا تاپقانداردىڭ تۋىستارى بار»، - دەپ جازعان ەدى وسىعان دەيىن ب ا ق وكىلدەرى.

«وسى قايعىلى وقيعاعا كىنالى بارلىق ادامنىڭ جازالاناتىنىن مالىمدەيمىن. وسى جاعدايعا تاپ بولعان ادامداردان كەشىرىم سۇرايمىن. ولاردىڭ الدىندا تىزەرلەپ تۇرىپ كەشىرىم سۇرايمىن»، - دەدى كەمەروۆ وبلىسىنىڭ ۆيتسە- گۋبەرناتورى سەرگەي سيۆيليەۆ ميتينگىدە.

وسىعان دەيىن كەمەروۆوداعى «زيمنيايا ۆيشنيا» ساۋدا ورتالىعىندا بولعان ورتتەن قازا تاپقانداردىڭ 41- ءى بالالار ەكەنى حابارلانعان ەدى. رەسمي مالىمەتتەرگە قاراعاندا، 25 - ناۋرىزدا بولعان توتەنشە جاعدايدان بارلىعى 64 ادام قازا بولدى.

دەرەككوز: tengrinews.kz