قازاقستاندا قانشا ادام قازاق ءتىلىن بىلەدى؟
بۇل تۋرالى مادەنيەت جانە سپورت ءمينيسترى ارىستانبەك مۇحامەدي ۇلى ۇكىمەت وتىرىسى بارىسىندا مالىمدەدى، - دەپ حابارلايدى Tengrinews.kz ءتىلشىسى.
«حالىقتىڭ مەملەكەتتىك ءتىلدى يگەرۋى جونىندە جۇرگىزىلگەن جىل سايىنعى زەرتتەۋدىڭ قورىتىندىسىنا سايكەس، 2017 -جىلعى جاعداي بويىنشا حالىقتىڭ 83,1 پايىزى مەملەكەتتىك ءتىلدى بىلەدى. ال ءۇش ءتىلدى يگەرگەن ەرەسەكتەردىڭ ۇلەسى - 22,3 پايىز»، - دەدى مينيستر.
سونداي-اق، مينيستر قازاقستانداعى مەملەكەتتىك تىلدە جۇرگىزىلەتىن قۇجات اينالىمىنىڭ ۇلەسى 92 پايىز ەكەنىن ايتتى.
ال قازاق ءتىلدى بۇقارالىق اقپارات قۇرالدارىنداعى قازاق ءتىلدى كونتەنتتىڭ ۇلەسى 72 پايىز ەكەن.
«رەسپۋبليكادا مەملەكەتتىك ءتىلدى وقىتاتىن 89 وڭىرلىك ورتالىق بار. 2017 -جىلى ورتالىقتارداعى مەملەكەتتىك ءتىلدى ۇيرەنۋ كۋرستارىنان 58,3 مىڭنان اسا ادام ءوتتى»، - دەدى مينيستر ارىستانبەك مۇحامەدي ۇلى.
