شىعىس قازاقستاننىڭ زىريان اۋدانىندا سارى ءتۇستى قار جاۋدى

كەيبىرەۋلەر بۇل كوممۋنالدىق قىزمەتتەردى تولتىرۋ ارقىلى تۋىنداۋى مۇمكىن دەپ بولجادى.

بۇل تۋرالى ۋستينكا LIVE حابارلادى، دەپ جازادى Stan.kz اقپاراتتىق اگەنتتىگى.

«ءبىز مۇنداي سەپپەنى وندىرمەدىك. سونىمەن قاتار، سارى قار قالادا عانا ەمەس، جاقىن ماڭداعى اۋىلدارعا دا جاۋعان»، - دەپ كەلتىردى ۋستينكا LIVE كوممۋنالدىق كاسىپورىن ديرەكتورى سەرگەي سميرنوۆتىڭ ءسوزىن.

ال قوعامدىق دەنساۋلىق ساقتاۋ باسقارماسى سارى قاردىڭ سيپاتىن وبلىس ورتالىعىنداعى زەرتحانادا تەكسەرۋگە بولاتىندىعىن ءتۇسىندىردى.

وتكەن جۇمادا رەسەيدىڭ سوچي قالاسىندا دا سارى ءتۇستى قار جاۋعان. ال قارا جانە ازوۆ تەڭىزدەرىنىڭ گيدرومەتەورولوگياسى مەن مونيتورينگى بويىنشا مامانداندىرىلعان ورتالىق ونىڭ سەبەبىن افريكانىڭ سولتۇستىگىندەگى شاڭدى داۋىلدان دەپ وتىر.

«ءبىزدىڭ جاعاجايدا ءبارى گۇلدەي باستادى. قۇرعاق، جەلدى كۇندەرى وسىمدىكتەردىڭ توزاڭى اتموسفەرانىڭ تومەنگى قاباتىن باسىپ قالادى. ال قار نەمەسە جاۋىن- شاشىن جاۋعاندا، سول اۋاداعى توزاڭدار اتموسفەرادان جۋىلىپ، جەر بەتىنە تۇسەدى»، - دەلىنگەن حابارلامادا.

سونداي-اق، ۋكراينانىڭ ودەسسا وبلىسى يزمايل قالاسىندا دا قۇمنىڭ ءتۇسى سەكىلدى قار جاۋدى. زەرتحانالىق زەرتتەۋلەر قاردىڭ قىشقىلدىعى بەيتاراپ بولاتىندىعىن كورسەتتى.

بۇل جاعداي مەن قازاقستانداعى ەرەكشە قاردىڭ ءتۇسۋى اراسىندا بايلانىستىڭ بار-جوقتىعى ءالى بەلگىسىز.

ايتا كەتەيىك، جاقىندا ادجارياداعى گودەردزي تاۋ شاتقالىندا سارى ءتۇستى لاس سۋدان كەيىن تاۋ بەتكەيلەرى قىزعىلت تۇسكە بويالعان.