وزبەكستان بيلىگى «تاس تۇرمەنى» سۇرۋگە پارمەن بەردى

ۇكىمەتتىڭ 22 - ناۋرىز كۇنى شىعارعان، ادىلەت مينيسترلىگى Telegram مەسسەندجەرىندە تاراتقان بۇيرىعى بويىنشا، تۇرمەنىڭ ورنىنا ساياباق سالىنادى.

قاڭتار ايىندا «ازاتتىقتىڭ» وزبەك رەداكسياسى - وزودليك راديوسى «تاس تۇرمەدەگى» بارلىق تۇتقىن تاشكەنت وبلىسىنىڭ زانگياتا اۋدانىندا سالىنعان جاڭا تۇرمەگە اۋىستىرىلعانىن حابارلاعان. جاڭا تەرگەۋ اباقتىسى جۇلدىز پىشىنىندە سالىنعان جانە توعىز بلوكتان تۇرادى.

رەسمي مالىمەت بويىنشا، جاڭا اباقتى عيماراتىن جوبالاۋ كەزىندە كليمات، سانيتارلىق جانە قاۋىپسىزدىك تالاپتارى مەن جازانى وتەۋگە قاتىستى باسقا دا ەرەكشەلىكتەر ەسكەرىلگەن.

وزبەكستاندا سوتتالۋشىلار جازاسىن وتەيتىن 52 مەكەمە بار. «تاس تۇرمە» - ەلدەگى ەڭ ءىرى تەرگەۋ اباقتىلارىنىڭ ءبىرى سانالادى. اباقتى 1891 -جىلى پاتشالىق رەسەي گەنەرال- گۋبەرناتورىنىڭ بۇيرىعى بويىنشا سالىنعان.

www.azattyq.org