ەڭبەكقور جۇمىسشىلاردى جۇمىستان قۋاتىن ءتاسىل ويلاپ تاپتى

ەندىگى بيلىك جۇما كۇندەرى كەشكى ۋاقىتتا كومپيۋتەرلەردىڭ بارلىعىن ءماجبۇرلى تۇردە ءوشىرىپ تاستاماق.

بۇل تۋرالى BBC باسىلىمىنا سىلتەمە جاساپ Stan.kz حابارلايدى.

وڭتۇستىك كورەيا بيلىگى «مەرزىمنەن تىس جۇمىس ىستەۋ مادەنيەتىن» توقتاتقىسى كەلەتىنىن مالىمدەدى. قازىرگى ۋاقىتتا مەملەكەتتەگى جۇمىس ۋاقىتىنىڭ ۇزاقتىعى الەم بويىنشا الدىڭعى قاتارلاردىڭ بىرىنەن تابىلىپ تۇر. مەملەكەتتىك قىزمەتكەرلەر ورتاشا ەسەپپەن جىلىنا 2739 ساعات جۇمىس ىستەيدى. ءوز كەزەگىندە بۇل وزگە دە دامىعان ەلدەردەگى جۇمىس ۋاقىتىنان 1000 ساعاتقا ارتىق.

2018 -جىلدىڭ 30 -ناۋرىزىنان باستاپ قالا بيلىگى جۇمىسشىلاردى ەڭبەكقورلىقتان «ەمدەۋگە» كىرىسپەك. الدىمەن جۇمىسشىلاردىڭ كومپيۋتەرلەرى كەشكى ساعات 20:00-دە وشىرىلسە، ءبىراز ۋاقىتتان كەيىن كومپيۋتەرلەر 19:30-دا وشىرىلەتىن بولادى. ال مامىر ايىندا كەڭسە قىزمەتكەرلەرى ءار جۇما سايىن ساعات 19:00-دە جۇمىسىن توقتاتادى.

مەملەكەت بيلىگىنىڭ مالىمدەۋىنشە، اتالعان باستاما بارلىق جۇمىسشىعا قاتىستى. الايدا كەي جاعدايلاردا شەكتەۋ قويىلۋى مۇمكىن.

دەسە دە ەلدەگى جۇمىسشىلاردىڭ 67 پايىزى وزدەرىنە قاتىستى «ءماجبۇرلى تۇردە جۇمىستى توقتاتۋ» باعدارلاماسىن قولدانباۋدى سۇراپ وتىر.