ايەلدەرگە جۇمىسقا بويانىپ، جاسانىپ كەلۋگە كەلۋگە تىيىم سالىندى
استانا. قازاقپارات - تۇركىمەنستاندا مەملەكەتتىك مەكەمەلەردە جانە ەل استاناسى - اشھاباد قالاسىندا جۇمىس ىستەيتىن ايەلدەرگە جۇمىسقا بويانىپ، سىلانىپ، جاسانىپ كەلۋگە، دالىرەگى، كىرپىك جالعاپ، تىرناق بوياپ، شاش بوياپ، قىمبات جۇزىك، سىرعا تاعىپ كەلۋگە تىيىم سالىندى.
ويتكەنى، اتالعان ەلدە وزگە ەلدەردەگى ايەلدەر سەكىلدى وپا- دالاپقا، كوسمەتيكالىق بۇيىمدارعا قىرۋار قارجى جۇمسايدى. مىسالى، كىرپىك جالعاۋ پروسەدۋراسىنىڭ ءوزى 150 مانات (تۇركىمەندەردىڭ ۇلتتىق ۆاليۋتاسى - رەد. )، ياعني، 43 دوللار تۇرادى. بايقاساڭىزدار، سوڭعى جىلدارى ورتا ازيا ەلدەرى ەكونوميكالىق رەفورمالاردى جۇرگىزۋ دەپ تۇرمىستىق دەڭگەيدەگى ماسەلەلەردى رەتتەۋ دەپ تۇسىنەتىن سەكىلدى.
ولاي دەيتىنىمىز، توي-تومالاقتاعى ادام سانىن شەكتەۋ، كيىنۋ ۇلگىسى، ت. ب. اسپاي قالدى. ءبىر جاعى ىسىراپشىلدىققا توسقاۋىل قوياتىن مۇنداي شارالار كەرەك تە شىعار. دەسە دە حالىقتىڭ اۋقاتىن كوتەرىپ، تۇرمىسىن جاقسارتاتىن اۋقىمدى الەۋمەتتىك-ەكونوميكالىق رەفورمالار تاسادا قالىپ بارادى. بۇل ءسوزسىز بولاشاقتا الەۋمەتتىك اپاتقا الىپ كەلەتىن دارمەنسىزدىك.
