02:41, 23 - ناۋرىز 2018 | GMT +5
پەتروپاۆل تۇرعىندارى قارا جورعا ءبيىن بيلەدى
استانا. قازاقپارات - پەتروپاۆلدىقتار ۇلىستىڭ ۇلى كۇنىندە ۇلتتىق ويىندار ويناپ، قارا جورعا ءبيىن بيلەدى. قالادا ءاز- ناۋرىز ءسان- سالتاناتىمەن تويلانىپ جاتىر. ءتىپتى ءار ءۇيدىڭ اۋلاسىندا قازان- وشاق قايناپ، مەرەكەلىك داستارحان جايىلدى.
ەكىنشى كۇن قاتارىنان دۋمانداتىپ جاتقان جۇرت ءماز- مەيرام. بۇگىن دە مەرەكەلىك باعدارلاما قىزىققا تولى. كۇن مەن ءتۇن تەڭەلگەن ۇلىستىڭ ۇلى كۇنى قالانىڭ ورتالىق الاڭىندا كونسەرت ءوتىپ جاتىر. ۇيىمداستىرىلىپ، ونەر ۇجىمدارى ءان مەن جىردان شاشۋ شاشىپ جاتىر. شارانىڭ شىرايىن ۇلتتىق ويىندار اشا ءتۇستى.
ەل- جۇرت اسىق اتۋ، ارقان تارتىس، توڭىز قۇمالاق ويناپ، قارا جورعا ءبيىن بيلەدى. ءاز- ناۋرىز اۋلالاردا دا تويلاندى. بۇل - بىلتىردان بەرى يگى داستۇرگە اينالعان ءۇردىس. قالا تۇرعىندارى ءبىر ءۇيدىڭ بالالارىنداي دالادا داستارحان جايىپ، ۇلتتىق تاعامدارىن ءپىسىردى. ءان ايتىپ، كوڭىل كوتەردى. سوندىقتان مەرەكەنىڭ لەبى ءار اۋداندا ەسىپ تۇر دەۋگە بولادى
www.24.kz
