قىتايدىڭ ءىرى اقپارات قۇرالدارى بىرىكتى
بەيجىڭ. قازاقپارات - قىتاي ءىرى ۇلتتىق حابار تاراتۋ كورپوراتسيالارىن ورتالىق تەلەراديوكورپوراتسياعا بىرىكتىرمەك. كورپوراتسيا شەتەلدەردە «قىتاي داۋىسى» دەگەن اتاۋمەن حابار تاراتاتىن بولادى، دەپ حابارلايدى «قازاقپارات» ح ا ا- ءنىڭ قىتايداعى مەنشىكتى ءتىلشىسى.
21 - ناۋرىز كۇنى جاريالانعان «پارتيالىق جانە مەملەكەتتىك قۇرىلىمداردىڭ رەفورمالارىن تەرەڭدەتۋ جوسپارى» بويىنشا قىتايدىڭ ورتالىق تەلۆيزياسى (CCTV)، ورتالىق حالىق راديوسى (CNR)، قىتايدىڭ حالىقارالىق راديوسى (CRI) تاراتىلادى. ال ولاردىڭ بازاسىندا ورتالىق تەلەراديوحابار تاراتۋ كورپوراتسياسى قۇرىلادى.
حابار تاراتۋ بارىسىندا ىشكى اۋديتورياعا بۇرىنعى اتاۋلارى، ال سىرتقىسىنا «قىتاي داۋىسى» اتاۋى پايدالانىلادى.
جاڭا ب ا ق ق ح ر- دىڭ مەملەكەتتىك كەڭەسىنە جانە قىتاي كوممۋنيستىك پارتياسىنىڭ ورتالىق كوميتەتىنىڭ ناسيحات بولىمىنە باعىناتىن بولادى. جاڭا مەدياحولدينگتىڭ باستى مىندەتتەرى قىتاي كوممۋنيستىك پارتياسى مەن ونىڭ يدەولوگياسىن ناسيحاتتاۋ، اقپاراتتىق قولداۋ جۇمىستارىن ۇيلەستىرۋ، راديو جانە تەلەونىمدەردى ءوندىرۋ، قوعامدىق پىكىر قالىپتاستىرۋ، جاھاندىق دەڭگەيدە باسەكەگە قابىلەتتىلىكتى ارتتىرۋ بولادى.
