ب ۇ ۇ ناۋرىز مەرەكەسىن قارسى الدى

ناۋرىزدى بالقان، قارا تەڭىز، كاۆكاز، ورتالىق ازيا جانە تاياۋ شىعىس ەلدەرى بىرنەشە مىڭداعان جىلدار بويى اتاپ ءوتىپ كەلەدى. بۇل تۋرالى ب ۇ ۇ جاڭالىقتار ورتالىعىنىڭ حابارلاماسىندا ايتىلعان.

2009 -جىلى ناۋرىز مەرەكەسىادامزاتتىڭ ماتەريالدىق ەمەس مادەني مۇراسىنىڭ رەپرەزەنتاتيۆتى تىزىمىنە ەنگىزىلسە، 2010 -جىلى ب ۇ ۇ- نىڭ باس اسسامبلەياسى ونى حالىقارالىق كۇن دەپ جاريالادى.

 «بۇل كۇنى ءبىزدىڭ ولكەدە اۋىلشارۋاشىلىق جۇمىستارى باستالادى. بۇل وكپە- رەنىشتى ۇمىتىپ، كەشىرۋ جانە قۇرمەتتەۋ كۇنى. بۇۇ باس اسسامبلەياسىنىڭ رەزوليۋتسياسىنا سايكەس، بۇل مەرەكە حالىقارالىق كۇن رەتىندە اتالىپ وتىلەدى. سوندىقتان، ناۋرىزدى اتاپ وتەتىن بارلىق ەلدەر وسى مەرەكەنى تويلاۋ ءۇشىن بۇگىن وسى جەردە باس قوسىپ وتىر» .

«ب ۇ ۇ باس اسسامبلەياسىنىڭ قارارىنا سايكەس، بۇل كۇن حالىقارالىق مەرەكە رەتىندە اتالىپ وتىلەدى. ناۋرىزدىڭ تاريحى «اۆەستا» - زورواستريزم قاسيەتتى كىتابى ۋاقىتىنان باستاۋ العان. يسلام وعان ءبىرقاتار وزگەرىستەر ەنگىزدى - مىسالى، داستارحانداردان شاراپتار جويىلدى. ازەربايجاندا ناۋرىز مەرەكەسى ءبىر اي بويى تويلانادى - ءار سەيسەنبىنى تابيعاتتىڭ دۇلەي كۇشىمەن: اۋامەن، جەرمەن نەمەسە وتپەن بايلانىستىرادى. كۇن مەن جارتى اي فورماسىندا تاتتىلەر ءپىسىرىلىپ، مەرەكەلىك داستارحانعا مىندەتتى تۇردە ءومىردىڭ بەلگىسى رەتىندە «ءدان» - ونگەن بيداي قويىلادى» ، - دەدى ب ۇ ۇ جانىنداعى ازەربايجان تۇراقتى وكىلى ياشار اليەۆ.

 تابيعاتپەن ۇندەسۋ جانە ونى ساقتاۋ، بەيبىتشىلىك، السىزدەر مەن مۇقتاجدارعا قول ۇشىن سوزۋ سياقتى ب ۇ ۇ مەن ناۋرىزدىڭ ءمان- ماڭىزى نەگىزىنەن سايكەس كەلەدى. 2010 -جىلى باس اسسامبلەيا 21 - ناۋرىزدى حالىقارالىق ناۋرىز كۇنى دەپ بەكىتتى. سوندىقتان، جىل سايىن وسى كۇنى ب ۇ ۇ شتاب- پاتەرىندە ەجەلگى مەرەكە اتاپ وتىلەدى.