الەمدەگى ەڭ ۇزدىك كينوتەاترلار قىتايدا
استانا. قازاقپارات - قىتايدىڭ ۋحان قالاسىندا ەرەكشە كينوتەاتر بار. ءبىر كورگەندە جارىلىستان قالعان ورىن سياقتى اسەر قالدىرادى.
قابىرعالارى مەن فويە، اۋديتوريا جانە اكۋستيكالىق تاقتالاردىڭ ءبارى قالاي بولسا سولاي سالىنعان. ديزاينەر ۆيردجيني لۋنگ گولليۆۋدتىڭ قىمبات كينولارى ءتۇسىرىلۋ ءۇشىن ادەيى تالقاندالعانداي اسەر قالدىرۋ باستى ماقساتىمىز دەيدى. بۇل تۋرالى Baq.kz اقپارات اگەنتتىگى CNN باسىلىمىنا سىلتەمە جاساپ حابارلايدى.
قىتايداعى كينوتەاترلار سانى ا ق ش- تاعى كورسەتكىشتەن اسىپ تۇسەدى. سوندىقتان كوپتىڭ نازارىنان ەرەكشەلەنۋ وتە قيىن. لۋنگتىڭ ايتۋىنشا، قىتايدىڭ ءبىر كوشەسىمەن كەلە جاتساڭىز، ءۇش نەمەسە بەس كينوتەاتردى كەزدەستىرە الاسىز.
ديزاينەر لۋنگ گونكونگ جانە قىتايدىڭ وزگە قالالارىنداعى 60 تەاتردىڭ ديزاينىن جاساۋعا قاتىسقان. ال مىنا immersive ءستيلى كوپتىڭ كوڭىلىنەن شىققان سياقتى.
