بيىل الەمدەگى مۇناي باعاسى تۇراقتى بولۋى مۇمكىن
استانا. قازاقپارات - وپەك ەلدەرىنىڭ كەلىسىمى ساقتالسا، بيىل الەمدىك نارىقتا قارا التىن باعاسى تۇراقتى بولۋى مۇمكىن. مۇنداي مالىمدەمەنى مۇناي ەكسپورتتاۋشى ەلدەر ۇيىمىنىڭ باس حاتشىسى مۇحامماد باركيندو مالىمدەدى.
قازىر كەلىسىمگە قوسىلعان مەملەكەتتەر ونى 2018 -جىلدىڭ جەلتوقسانىنا دەيىن ۇزارتۋ ماسەلەسىن قاراستىرىپ جاتىر. وتكەن جىلدىڭ قاراشاسىندا و پ ە ك ەلدەرى مەن رەسەي تاۋلىگىنە وندىرىلەتىن قارا التىن كولەمىن 1,8 ميلليون باررەلگە قىسقارتۋعا كەلىستى.
ايتا كەتەيىك، و پ ە ك ەلدەرى مينيسترلەرىنىڭ كەلەسى باسقوسۋى الداعى ماۋسىمعا جوسپارلانعان. جيىندا نارىقتاعى جاعدايعا بايلانىستى باعانى وڭتايلاندىرۋ ماسەلەسى قارالادى دەپ كۇتىلۋدە.
مۇحامماد باركيندو، و پ ە ك ۇيىمىنىڭ باس حاتشىسى:
- نارىقتا تۇراقتىلىق بايقالادى. ينۆەستورلار دا قايتا ورالىپ جاتىر. ەندى العا قويعان ماقساتتارعا قول جەتكىزۋگە تىرىسامىز. بيىلعى جىل ءساتتى بولادى دەگەن ۇمىتتەمىز.
www.24.kz
