الەمنىڭ ەڭ باي ادامى روبوت يتپەن سەرۋەندەدى
استانا. قازاقپارات - امەريكالىق ميللياردەر، Amazon كومپانياسىنىڭ نەگىزىن قالاۋشى دجەفف بەزوس Boston Dynamics كومپانياسى شىعارعان روبوت يت SpotMini-مەن سەرۋەندەدى. بۇل جايلى فوتوسۋرەتتى دج. بەزوس تۋيتتەردەگى پاراقشاسىندا ءبولىستى، دەپ حابارلايدى قازاقپارات ءتىلشىسى.
بەزوس روبوت تەحنيكاسى جانە عارىشتى زەرتتەۋگە ارنالعان MARS كونفەرەنسياسىنا ەرەكشە «جاڭالىقپەن» كەلدى. بەزوستىڭ ميكروبلوگى جەلى قولدانۋشىلارى اراسىندا قىزۋ تالقىعا ءتۇستى.
كاليفورنيادا ءوتىپ جاتقان MARS كونفەرەنسياسى 19- ناۋرىز كۇنى اشىلدى. دجەفف بەزوس وندا قوناقتارعا باسقا قۇرىلعىلاردى دا ۇسىندى.
ەسكە سالا كەتەيىك، دجەفف بەزوس بيىل دا الەمنىڭ ەڭ داۋلەتتى ادامى اتانعان بولاتىن.
