تۇلكىباس اۋدانىن تۇركىباسى دەپ وزگەرتۋ تۋرالى ۇسىنىس قولداۋ تاپتى
ءماسليحات سەسسيانىڭ جۇمىسى بارىسىندا رەسپۋبليكالىق ونوماستيكا كوميسسياسىنىڭ قاراۋىنا وڭتۇستىك قازاقستان وبلىسىنداعى تۇلكىباس اۋدانىنىڭ اتاۋىن قايتا اتاۋ جونىندەگى ۇسىنىسى ەنگىزىلگەن بولاتىن.
حالىق قالاۋلىلارىنىڭ پىكىرىنشە، تالاي تۇلعالار تۇلەپ ۇشقان كيەلى مەكەن تۇلكىباس اۋدانىنىڭ اتاۋىن «تۇركىباسى» دەپ وزگەرتۋ تۋرالى ۇسىنىس دەر كەزىندە كوتەرىلىپ وتىر. جيىنعا قاتىسقان وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ ماسەلەنىڭ وزەكتىلىگىنە دە نازار اۋدارتتى. ونىڭ ايتۋىنشا، ەلباسىنىڭ «بولاشاققا باعدار: رۋحاني جاڭعىرۋ» باعدارلاماسى اياسىندا وڭىردەگى جەر، سۋ اتتارى تاريحي اتاۋلارىنا قايتا قول جەتكىزىپ كەلەدى. وسى باعىتتاعى جۇمىستار الداعى ۋاقىتتا دا جالعاسىن تاباتىن بولادى.
«سوڭعى جىلدارى بۇل ماسەلە بىرنەشە رەت كوتەرىلدى. كەڭەس زامانىندا اۋداننىڭ تاريحي اتاۋى بۇرمالانعانى تاريحشى عالىمدارعا دا بەلگىلى. سوندىقتان تۇلكىباسى اتاۋىن تۇركىباسى دەپ وزگەرتۋ تۋرالى ۇسىنىستى ءبىراۋىزدان قولدايمىن. اتالعان ماسەلە وبلىستىق اكىمدىك پەن وبلىستىق ءماسليحاتتا ءتيىستى شەشىم شىعارىلىپ، وبلىستىق ونوماستيكالىق كوميسسيادا قارالدى. سوڭعى شەشىمدى رەسپۋبليكالىق ونوماستيكالىق كوميسسيا قابىلدايتىن بولادى»، - دەدى جانسەيىت تۇيمەبايەۆ.
اۆتور: اينۇر اقبايەۆا
