ۇكىمەت باسشىسى ءدارى-دارمەكپەن قامتاماسىز ەتۋدى قاتاڭ باقىلاۋعا الۋدى تاپسىردى
«باياندامادان كورىپ وتىرعانىمىزداي، نەگىزگى كوزدەلگەن كورسەتكىشتەرگە قول جەتكىزىلدى. كورسەتكىشتەردىڭ جاقسارعانىن كورىپ وتىرمىز. ەلباسى بۇعان قوسا بيىلعى جولداۋىندا حالىقتىڭ جاعدايىن جاقسارتۋ بويىنشا تاعى ءبىرقاتار قوسىمشا ناقتى تاپسىرما بەردى. دەنساۋلىق سالاسىن جاڭعىرتۋ ماسەلەسىن الدىمىزعا قويدى. بۇل نەگىزدە الەۋمەتتىك مەديتسينالىق ساقتاندىرۋ جۇيەسىن ەنگىزۋ بويىنشا جۇمىستى ەلجان امانتاي ۇلى (دەنساۋلىق ءمينيسترى ءبىرتانوۆ) باقىلاۋعا الىپ، ءتۇسىندىرۋ جۇمىستارىن جۇرگىزۋ قاجەت. ءدارى-دارمەكپەن قامتاماسىز ەتۋ جۇمىستارى قاتاڭ باقىلاۋدا بولۋى كەرەك»، - دەدى ۇكىمەت باسشىسى.
سونىمەن قاتار ول ۇكىمەتتىڭ كەڭەيتىلگەن ماجىلىسىندە مەملەكەت باسشىسى ەلەكتروندى دەنساۋلىق ساقتاۋ جۇيەسىن ەنگىزۋ ارقىلى مەديتسينالىق كومەكتىڭ تيىمدىلىگى مەن قولجەتىمدىلىگىن ارتتىرۋ تاپسىرماسىن بەرگەنىن ەسكە سالدى.
«وتكەن اپتادا بۇل بويىنشا جۇمىس جينالىسىن وتكىزگەن بولاتىنبىز. ءساۋىر ايىندا ۇكىمەت وتىرىسىنا اسقار قۋانىش ۇلىمەن (ۇكىمەت باسشىسىنىڭ ورىنباسارى جۇماعاليەۆ) بىرگە دايىندالۋىڭىزدى سۇرايمىن»، - دەدى باقىتجان ساعىنتايەۆ دەنساۋلىق ساقتاۋ ءمينيسترى ءبىرتانوۆقا قاراتا.
سونىمەن قاتار وتىرىستا ۇكىمەت باسشىسىنىڭ ورىنباسارى ەربولات دوسايەۆ ءساۋىر ايىندا «دەنساۋلىق» مەملەكەتتىك باعدارلاماسىنا وزگەرىستەر ەنگىزۋ كوزدەلىپ وتىرعانىن، ال وڭىرلەردىڭ باعدارلاما اياسىندا ساتىپ العان مەديتسينالىق قۇرال-جابدىقتارىنىڭ تيىمدىلىگى جايلى ەسەپ مامىر ايىندا ۇكىمەتكە بەرىلەتىندىگىن اتاپ ءوتتى.
اۆتور: مارلان جيەمباي
