پەتروپاۆلدىڭ حايۋاناتتار باعىنداعى ءبىرقازانعا كومەك قاجەت
بۇيرا ءبىرقازان بوتانيكالىق باقتا بىلتىر كۇزدەن بەرى باعىلىپ جاتىر. قىزىل كىتاپقا ەنگىزىلگەن قۇس كۇزدە جىلى جاققا قايتار كەزدە توبىنان قالىپ قويىپ، ادامداردى پانالاعان. باسىندا ونى ەسىل اۋدانىنىڭ تۇرعىنىنىڭ قولدىندا بولدى، الايدا تاماقتى كوپ جەيتىن قۇسقا ازىق تاۋىپ بەرە الماي ول ونى بوتانيكالىق باققا تاپسىردى.
جاس ءبىرقازاننىڭ تابەتى جاقسى، ءوسىپ كەلە جاتقان قۇس كۇنىنە ءۇش كەلى بالىقتى جەيدى. ول موڭكە مەن سالپىاۋىز بالىقتى جاقسى كورەدى. بوتانيكالىق باققا ازىق-تۇلىكتى ەرىكتىلەر تاۋىپ، جەتكىزىپ بەرەدى.
ءبىرقازاندى «قايىرىمدى پلانەتا» قايىرىمدىلىق قورى ءوز قامقورلىعىنا العان. قۇسقا بالىق تاۋىپ بەرەتىن قوردىڭ ەرىكتىلەرى وڭىردە سيرەك كەزدەسەتىن ءبىرقازانعا قولداۋ كورسەتۋدى سۇرايدى. ويتكەنى مەرەكەلىك دەمالىس كۇندەرى قۇس قورەكسىز قالۋى مۇمكىن.
پەتروپاۆلدىڭ بوتانيكالىق باعى قامقورلىعىنا قۇس پەن حايۋاناتتاردى قابىلدايدى. الايدا باقتاعى جانۋارلاردى تۇراقتى قورەكتەندىرۋ ءۇشىن قاجەتتى ازىققا مۇقتاج.
اۆتور: ولەسيا جۋكوۆەن
فوتو: lookw.ru
