استانادا ناۋرىز مەرەكەسىندە ۇيىمداستىرىلاتىن شارالار بەلگىلى بولدى
- دەپ حابارلايدى Тengrinews.kz ءتىلشىسى استانا قالاسىنىڭ مادەنيەت جانە سپورت باسقارماسىنا سىلتەمە جاساپ.
اشىق الاڭدارداعى جالپى قالالىق شارالار 22 - ناۋرىزدا جالعاسىن تابادى. ناۋرىز مەيرامىنا ارنالعان باعدارلاما اياسىندا ەلوردا تۇرعىندارى مەن قوناقتارى EXPO كورمە كەشەنىنىڭ اۋماعىندا بىرەگەي ەتنواۋىل مەن تاقىرىپتىق كيىز ءۇي- مۋزەيلەردى، «قازاق ەلى» مونۋمەنتى الدىنداعى الاڭدا «دالا قازىعى» تاريحي ورتاعاسىرلىق جەكپە- جەكتەر تۋرنيرىن، سونداي- اق قازاقستاندىق ەسترادا جۇلدىزدارى مەن جەتەكشى شىعارماشىلىق ۇجىمداردىڭ قاتىسۋىمەن تەاترلاندىرىلعان قويىلىمدار مەن كونسەرتتەر تاماشالاي الادى.
«بيىل ناۋرىزعا ورايلاستىرىلعان باستى شارالار EXPO كورمە كەشەنىنىڭ اۋماعىنداعى الاڭدا وتەدى. مۇندا 21 - ناۋرىزدا ساعات 13:00-دە مەرەكەلىك باعدارلاما باستالادى. كورمە اۋماعىندا قالا تۇرعىندارى مەن قوناقتارى ءۇشىن ەتنواۋىل اشىلادى. كەلۋشىلەردى قازاق حالىق ەرتەگىلەرىنىڭ كەيىپكەرلەرى قۇشاق جايا قارسى الادى:
الدار كوسە، قوجاناسىر، تازشا بالا جانە باسقالارى. ەلوردالىق تەاترلاردىڭ ارتيستەرى كورەرمەندەردى ۇلتتىق سالت- داستۇرلەرمەن جانە ادەت- عۇرىپتارمەن تانىستىرادى. قىششىلار، زەرگەرلەر، كيىز باسۋ مەن ساندىك- قولدانبالى ونەر شەبەرلەرى قولدان جاسالعان بۇيىمدارىن كوپشىلىك ناارىنا ۇسىنادى»، - دەلىنگەن استانا قالاسىنىڭ مادەنيەت جانە سپورت باسقارماسىن حابارلاماسىندا.
ەتنواۋىل قوناقتارىنىڭ اراسىندا قازاق كۇرەسى، اسىق اتۋ، ارقان تارتۋ، ارمرەستلينگ جانە گىر كوتەرۋدەن سايىستار وتكىزىلەدى. بۇدان باسقا، نيەت بىلدىرگەن جاندار «قوي كوتەرۋ» سىندى ۇلتتىق ويىندا كۇش سىناسادى، التىباقان تەبەدى.
«كيىز ءۇي قالاشىعىنىڭ اۋماعىندا سىيىمدىلىعى 1000 ليتر تايقازان ورناتىلادى، ونىڭ جانىندا تەاترلاندىرىلعان قويىلىم كورسەتىلەدى. سونىمەن قاتار، جينالعان قاۋىمنىڭ نازارىنا جەتەكشى وتاندىق ارتيستەردىڭ قاتىسۋىمەن مەرەكەلىك كونسەرت ۇسىنىلادى. ەتنواۋىلعا كەلۋشىلەر قازاق حالقى ەجەلدەن ءوسىرىپ كەلە جاتقان تازى مەن توبەتتەر كورمەسىن تاماشالاي الادى. ارنايى ۇيىمداستىرىلعان فۋدكورت ايماعىندا شىعىس اسپازدىعىنان ىستىق تاعامدار ساتىلادى»، - دەلىنگەن باسپا ءسوز حابارلاماسىندا.
ەتنواۋىل اۋماعىندا ورنالاسقان ءتورت كيىز ۇيدەن تۇراتىن مۋزەي كەشەنى كەلۋشىلەردىڭ ەرەكشە ىقىلاسىنا بولەنبەكشى.
ءبىرىنشى كيىز ءۇي ەجەلگى تۇركى جازباسىنا جانە مادەنيەتىنە ارنالادى. مۇندا ەجەلگى تۇركى جازبالارى جازىلعان تاس ستەللالاردىڭ رەكونسترۋكتسياسى ۇسىنىلعان، ەكسكۋرسوۆودتار ادامدارعا بۇل تاريح ەسكەرتكىشتەرىنىڭ پايدا بولۋى تۋرالى ايتىپ بەرەدى.
ەكىنشى كيىز ءۇي «ۇلتتىق مۋزىكالىق اسپاپتار مۋزەيى» - دەپ اتالادى. مۇندا قوناقتار دومبىرا، نارقوبىز، داۋىلپاز، جەتىگەن، سىرناي جانە باسقا دا ەسكى اسپاپتاردىڭ رەكونسترۋكتسياسىمەن تانىسا الادى، سونداي- اق اتالعان اسپاپتاردى جاساۋ تاريحى مەن دامۋى تۋرالى اڭگىمەلەر تىڭدايدى.
ءۇشىنشى كيىز ءۇي - «ۇلتتىق ەتنوگرافيا جانە زەرگەرلىك بۇيىمدار مۋزەيى». كەلۋشىلەر نازارىنا قازاق حالقىنىڭ تۇرمىسىنداعى ەسكى زاتتار ۇسىنىلادى، اتاپ ايتقاندا، ادالباقان، جاعلان، كەبەجە، جۇكاياق جانە باسقالارى، سونىمەن قاتار باتىسقازاقستاندىق شەبەرلەردىڭ ەسكى زەرگەرلىك بۇيىمدارى - ساۋكەلە، وڭىرجيەك، ءوڭىرتال، قۇداعي جۇزىك، بەلدىك، اساتاياق جانە ت. ب. اشەكەيلەر.
ءتورتىنشى كيىز ءۇي - «ۇلتتىق كىلەم ونىمدەرى مۋزەيى». قوناقتار ەسكى تۇكتى جانە تۇكسىز كىلەمدەردى، سونداي- اق كيىز بەن جىبەكتەن جاسالعان كىلەمدەردى تاماشالايدى، ال گيد ولاردى اتالعان بۇيىمداردى جاساۋدىڭ ەجەلگى تەحنولوگياسىمەن تانىستىرادى.
ەكسپو كورمەسىنىڭ اۋماعىنداعى مەرەكەلىك باعدارلاما 22 - ناۋرىزدا جالعاسىن تابادى. ناۋرىز مەيرامىنا ارنالعان شارالار ۇيىمداستىرىلاتىن تاعى دا ءبىر ۇلكەن الاڭ - «قازاق ەلى» مونۋمەنتىنىڭ الدىنداعى اۋماق بولماق. مۇندا مەرەكەلىك باعدارلاما 21-22 - ناۋرىزدا ساعات 10:00-دەن 16:00-گە دەيىن وتكىزىلەدى. كورەرمەندەر قازاقستاندىق ەسترادا جۇلدىزدارىنىڭ، بي جانە اسپاپتى ۇجىمداردىڭ قاتىسۋىمەن وتەتىن كونسەرت پەن تەاترلاندىرىلعان قويىلىمدى تاماشالاي الادى. مونۋمەنتتىڭ الدىنداعى الاڭدا كيىز ءۇي قالاشىعى اشىلىپ، التىباقاندار، ۇلتتىق سپورت تۇرلەرىنەن جارىستار وتكىزۋگە ارنالعان سپورتتىق ارەنالار، سونىمەن قاتار ساۋدا پالاتكالارى ورناتىلادى.
«21-22 ناۋرىزدا مەرەكەلىك باعدارلاما اياسىندا «دالا قازىعى» تاريحي ورتاعاسىرلىق جەكپە- جەكتەر بويىنشا حالىقارالىق تۋرنير ۇيىمداستىرىلادى. وعان قازاقستان، رەسەي، ۋكراينا، قىرعىزستان جانە وزبەكستان مەملەكەتتەرىنەن 80-نەن ارتىق رەكونسترۋكتور قاتىسادى دەپ كۇتىلۋدە.
جارىستىڭ ءبىرىنشى كۇنى قالقان- سەمسەر، سەمسەر- باكلەر، ءبىر جارىمدىق سەمسەر، الەباردا فورماتىنداعى جەكە سايىستار، ال ەكىنشى كۇنى كوماندالىق سايىستار وتەدى»، - دەلىنگەن حابارلامادا.
سونىمەن قاتار، 21 جانە 22 - ناۋرىزدا ءداستۇرلى حالىقتىق سەرۋەندەر ەلوردالىق اكىمدىك الدىنداعى قالالىق الاڭدا، «ستۋدەنتتىك» ساياباقتا وتەدى. قالالىق الاڭدا جانە «ستۋدەنتتىك» ساياباقتا كيىز ۇيلەر، التىباقاندار ورناتىلىپ، كونسەرت بولادى، ۇلتتىق سالت- داستۇرلەر مەن ادەت- عۇرىپتار كورسەتىلەدى.
مەرەكەلىك كونسەرتتەر مەن تەاترلاندىرىلعان قويىلىمدار 22 - ناۋرىزدا «جاستار» تەاترىنىڭ الدىنداعى الاڭدا دا ۇيىمداستىرىلادى. ناۋرىزعا ورايلاستىرىلعان شارالار ەلوردانىڭ تۇرعىن الاپتارىندا 17- ناۋرىزدا باستالدى.
22-23 - ناۋرىز كۇندەرى استانا قۋىرشاق تەاترىندا كىشكەنتاي كورەرمەندەرگە ارنالعان «مەرەكەلىك قۋىرشاقتار كونسەرتى» اتتى سپەكتاكل قويىلادى.
20 - ناۋرىز كۇنى «استانا» كونسەرت زالىندا ساعات 12:00-دە قالا تۇرعىندارى مەن قوناقتارىنا ارنالعان «الدار كوسە» مۋزىكالىق ەرتەگىسى قويىلادى.
21 - ناۋرىزدا ساعات 14:00-دە كونگرەسس- ورتالىقتا تەاترلاندىرىلعان «جاڭارعان جەر، باق قونعان نۇرلى ەل» قويىلىمى ساحنالانادى.
