وسكەمەندەگى سارعايعان قار ەلدى الاڭداتتى
تۇرعىندار 2 اپتادان بەرى جاعىمسىز يىسكە تۇنشىعىپ جۇرگەندەرىن ايتىپ، ەكولوگيالىق قاۋىپسىزدىك ورتالىعىنا شاعىمداندى، دەپ حابارلايدى قازاقپارات ءتىلشىسى.
ۋليانوۆ كوشەسىندەگى 86 ءۇيدىڭ اۋلاسىنداعى گاز قويماسىنىڭ ماڭايىندا قاردىڭ اشىق سارى تۇسكە ەنۋى جۇرتتىڭ كۇدىگىن تۋعىزسا كەرەك. تۇرعىندار ەكى اپتادان بەرى اۋلادا جاعىمسىز ءيىس پايدا بولعانىن سەزىنگەن. وبلىستىق ەكولوگيالىق قاۋىپسىزدىك ورتالىعىنىڭ ماماندارى «كازگيدرومەت» مەكەمەسىمەن بىرگە قار ءتۇسىنىڭ وزگەرۋ سەبەبىن انىقتاماقشى.
«بىزگە بۇگىن تۇرعىنداردان شاعىم ءتۇستى. ەستىگەن بويدا ەكولوگيا دەپارتامەنتى مەن قالالىق توتەنشە جاعداي ماماندارىنا حابارلاستىق. «كازگيدرومەت» مەكەمەسى مەن ءبىزدىڭ ماماندار اتالمىش اۋماقتان قار سىنامالارىن الۋعا كەتتى. تۇرعىنداردىڭ ايتۋىنشا، ەكى اپتادان بەرى اۋلادا جاعىمسىز ءيىس پايدا بولعان ەكەن. ونىڭ گاز ساقتالاتىن ىدىستارعا قاتىسى بار- جوعىن دا تەكسەرىپ كورەمىز» - دەيدى ەكولوگيالىق قاۋىپسىزدىك ورتالىعىنىڭ ديرەكتورى گەننادي كورەشكوۆ.
