09:41, 19 - ناۋرىز 2018 | GMT +5
ورىس اجەلەر ەلوردالىق اۆتوبۋستا «قاماجاي» ءانىن ورىنداپ بەردى - كەسكىن
استانا. قازاقپارات - استانا قالاسىنىڭ تۇرعىندارىنىڭ ءبىرى قوعامدىق كولىكتە «قاماجاي» ءانىن شىرقاعان اجەلەردى ۆيدەوعا ءتۇسىرىپ الدى، دەپ حابارلايدى «قازاقپارات» ح ا ا ءتىلشىسى.
الەۋمەتتىك جەلىگە تاراپ كەتكەن ۆيدەو ءبىرشاما قارالىپ، كوپشىلىكتىڭ وڭ پىكىرىنە يە بولىپ جاتىر. راسىندا دا، ءاندى تىڭداپ كورسەڭىز، اجەلەردىڭ ۆوكالدىق تۇرعىدا كاسىبيلىگى بارىن اڭعارۋعا بولادى. «استانا LRT» باسپا ءسوز قىزمەتى دە بۇل بولجامدى راستاپ وتىر.
«بۇل اجەلەر پاۆلودار وبلىسىنان كەلگەن انسامبل مۇشەلەرى. ولار وزدەرى ناۋرىز مەيرامى قارساڭىندا استاناعا كونسەرت قويۋعا كەلگەنىن ايتتى. اجەلەر «جاستار سارايى» ايالداماسىنان وتىرىپ، كۇيشى دينا ايالداماسىنا دەيىن جولاۋشىلاردىڭ كوڭىلىن كوتەرۋمەن بولدى. ءان شىرقاپ، ءازىل ايتقان اجەلەرگە جولاۋشىلار دا قوسىلىپ كەتتى. ولار - زەينەتكەرلەر، اراسىندا مۇمكىندىگى شەكتەۋلى جاندار دا بار»، - دەپ حابارلادى «استانا LRT» ۇيىمىنىڭ باسپا ءسوز حاتشىسى ناۋات ازانبايەۆا.
