قوستانايداعى مۋزەيدە وتكەن عاسىردا توقىلعان كىلەمدەر كورمەسى ۇيىمداستىرىلدى
بىلە بىلگەن ادامعا كىلەم تۇرلەرى دە، اتاۋلارى دا كوپ. جانە ول اتادان بالاعا جەتىپ، ۇمىتىلعان ەمەس. مىسالى ارابى، تاقىر، تۇكتى، جول، جولان دەگەن ەجەلدەن كەلە جاتقان كىلەم اتاۋلارى ءالى كۇنگە ەل جادىندا. وعان ءتۇر، ويۋ- ورنەك سالۋدىڭ دا ءوز ءمان- ماعىناسى بار. مەرەكەلىك شاراعا شاقىرىلعان شەبەرلەر جاستارعا وسىنى ءتۇسىندىرىپ عانا قويماي، ءجۇن ساباپ، ءتۇتۋ، ۇرشىق ءيىرۋ ادىستەرىن ءىس جۇزىندە كورسەتتى. سونداي- اق كىلەم توقۋ جورالعىلارى وسى جەردە كورىنىس تاۋىپ جاتتى.
نازيما وتاشيەۆا، وبلىستىق تاريحي- ولكەتانۋ مۋزەيىنىڭ ءبولىم مەڭگەرۋشىسى:
- كىلەم توقۋ كەزىندە وزىندىك داستۇرلەرى دە بار. مىسالى، كىلەم توقۋ بارىسىندا كىلەمشىلەر وزدەرى ءبىر ءجىپتى وراپ، بالادان بەرىپ جىبەرەدى. ول اناسىنا اپارىپ بەرەدى. ول كىسىلەر تۇسىنەدى ەكەن. اناۋ ۇيدە كىلەم توقىپ جاتىر، ەندەشە ول ۇيدەگى قىز- كەلىنشەكتەرگە تاماق ازىرلەپ، اپارۋ كەرەك.
www.24.kz
