استانا اكىمى قالانىڭ سۋ تاسقىنىنا دايىندىعىن پىسىقتادى
كەشەندى جوسپارعا سايكەس سۋ تاسقىنىن بولدىرماۋ جونىندە استانانىڭ اۋماعىندا 2018 -جىلى 27 ىقتيمال سۋ باسۋ ۋچاسكەلەرى بەلگىلەندى. ولاردىڭ ءاربىرى بويىنشا جۇمىس تۇرلەرى، قاجەتتى ماتەريالدار كولەمى، قارجىلاندىرۋ، جاۋاپتى ورىنداۋشىلار انىقتالعان.
ۋچاسكەلەردى ارالاۋ بارىسىندا اكىمگە گيدروتەحنيكالىق قۇرىلىستار دايىندىعى تۋرالى باياندالدى. اتاپ ايتقاندا، استانا سۋ قويماسىنىڭ جاي- كۇيى، قار قورىنىڭ كولەمىن ءبىلۋ ماقساتىندا مونيتورينگ جۇرگىزۋ جانە الىنعان دەرەكتەردى تالداۋ تۋرالى جۇمىس رەجيمىنىڭ جوسپارلى كەستەسى بەكىتىلدى.
اكىمنىڭ ورىنباسارى كوسمان ايتمۇحامەتوۆ سۋ قويماسىنىڭ 14 - ناۋرىزداعى جاي- كۇيى تۋرالى باياندادى.
«استانا قالاسىن ەسىل وزەنىنە قۇيىلاتىن قار سۋىنان قورعاۋ» نىسانىندا بوگەندەرىن نىعايتۋ بويىنشا جۇمىستار جۇرگىزىلدى، كەشەن سۋ قابىلداۋعا جانە اعىزۋعا تولىق دايىن.
سونداي- اق، نۇرسۇلتان نازاربايەۆ اتىنداعى حالىقارالىق اۋەجاي اۋدانى جانە مايبالىق كولىنەن سۋ اعىزاتىن كانال زەرتتەلگەن.
قازىرگى ۋاقىتتا مايبالىق كولىندەگى سۋ كولەمى شامامەن 62 ميلليون м3 . تولىق كولەمى - 80 ميلليون м3 .
استانا قالاسىنىڭ اكىمدىگى مايبالىق كولىنەن شىعىپ «نۇرا - ەسىل» كانالىنا باراتىن قولدانىستاعى ۇزىندىعى 5,4 ك م قۇرايتىن كانالدى تازالاۋدى اياقتادى. وسى ۋچاستوك مول سۋ وتكىزۋگە دايىن.
گاز اپپاراتۋراسى اۋدانىنداعى «ەسىل» وزەنىنىڭ ارناسىن كەڭەيتۋ تۋرالى ماسەلە شەتتە قالمادى. ەسكە سالا كەتەيىك، وتكەن جىلى تالاپكەر اۋىلىنا اعاتىن وزەن بويىندا سۋ باسۋ قاۋپى جوعارى ۋچاسكەلەر انىقتالعان.
اكىمنىڭ تاپسىرماسىمەن «كجبي-56» جانە «يۋبيلەينوە» باعباندى قوعامداستىق اۋدانىنداعى وزەننىڭ ەسكى ارناسىنا قۇم ارالاس تاس توسەلگەن. ول 50 تاياۋ ساياجاي ۋچاسكەلەرىن سۋ باسۋ قاۋپىنەن ساقتاماق. سونىمەن قاتار، وزەننىڭ ارناسىن كەڭەيتۋ جۇمىستارى دا جۇرۋدە.
«كىشى تالدىكول» اۋدانىنا ەرەكشە نازار اۋدارىلدى.
بۇگىن وسى كولدە قۇيما قۇبىرلار مەن بوگەتتەردى تۇگەندەۋ جۇرگىزىلدى. سونىمەن قاتار، قالا اكىمى اسەت يسەكەشيەۆ يلينكا تۇرعىن الابىنا باردى. اكىمنىڭ تاپسىرماسىمەن اۋدان كۆارتالىنداعى 500 مەترلى بوگەت قالىپقا كەلتىرىلدى. كوكتەمگى سۋ تاسقىنىنا دايىندىق تۇراقتى باقىلاۋدا.
ساپار قورىتىندىسى بويىنشا، استانا اكىمى كوكتەمگى سۋ تاسقىنى جاعدايىن باقىلاۋدا ۇستاۋدى جانە كۇننىڭ جىلىنۋىنا بايلانىستى تاۋلىك بويى كەزەكشىلىك ۇيىمداستىرۋدى تاپسىردى. اسەت يسەكەشيەۆ اۋدان اكىمدەرىنە تۇرعىن ءۇي الاپتارىنان قار شىعارۋ جۇمىستارىن تەز اياقتاۋدى جانە كارىز جۇيەلەرىن قار سۋىن قابىلداۋعا دايىنداۋدى تاپسىردى.
