ا ق ش پرەزيدەنتى ترامپ تايۆانمەن بايلانىس تۋرالى زاڭعا قول قويدى
استانا. قازاقپارات - ا ق ش پرەزيدەنتى دونالد ترامپ امەريكالىق رەسمي تۇلعالارعا تايۆان جەتەكشىلەرىمەن كەزدەسۋ ءۇشىن ارالعا بارۋعا مۇمكىندىك بەرەتىن زاڭدى ماقۇلدادى دەپ حابارلادى «امەريكا داۋىسى».
اق ءۇي بۇل زاڭ ءتىپتى پرەزيدەنتتىڭ ماقۇلداۋىنسىز دا سەنبى كۇنى كۇشىنە ەنەر ەدى دەپ تۇسىندىرگەن. ترامپ ماقۇلداعان زاڭ ا ق ش پەن قىتاي اراسىنداعى قارىم-قاتىناسقا كەرى اسەر ەتۋى ىقتيمال.
جۇما كۇنى قىتاي سىرتقى ىستەر مينيسترلىگىنىڭ وكىلى پەكيننىڭ بۇل زاڭعا قارسى ەكەندىگى جانە ا ق ش بيلىگىن «ءبىرتۇتاس قىتاي» ساياساتىن ۇستانىپ، تايۆانمەن رەسمي قارىم-قاتىناستى دوعارۋعا شاقىراتىنى تۋرالى مالىمدەگەن.
پەكين «ءبىرتۇتاس قىتاي» ساياساتى - بۇلجىماس پرينتسيپ ەكەنى جانە ول تالقىلاناتىن تاقىرىپقا جاتپايتىنى جونىندە ا ق ش- تى بۇعان دەيىن دە ەسكەرتكەن.
ا ق ش تايۆانمەن ديپلوماتيالىق بايلانىس ورناتپاعان، ءبىراق بۇعان دەيىن قابىلدانعان زاڭعا سايكەس، تايۆانعا قورعانىس سالاسىندا كومەك كورسەتۋگە مىندەتتەمە العان. تايۆان اسكەري قارۋ-جاراقتىڭ نەگىزگى بولىگىن ا ق ش- تان ساتىپ الادى.
